قصّة الصيّاد والسمكة

[georgette]

قصّة الصيّاد والسمكة
كتبها فؤاد زاديكي

كان في مرّة واحد صيّاد، يروح على الصّيد كالمعتاد. يرمي سنّارتو منشان يصيد السمك المليانْ، ويرجع لعند أمّو عالبيت فرحانْ. وتقلي الأم أش ما يجيبْ، من صيد السّمك إبنا الحبيبْ.

في يوم من الأيام، راح على الصّيد يا حرامْ. ومتل عادتو، رمى فالميّة سنّارتو، حسّ إنّو تقلتْ مسكتو، حاول يسحب السنّارة، وجعتو ركبتو. تاري علقْ بالسنّارة شي تقيلْ, وصار الصيّاد المسكين مع السنارة يميلْ. شويّة شويّة، سحبا بسرعة قويّة. طلعتْ معو سمكة كبيره، واتفاجأ الصيّاد وما كانتْ فرحتو زغيره. بال من الفرحة تمّو، وغلي وفار دمّو، وعرف راح تنبسط إمّو.

طلعتْ السمكه من المي، وصارتْ تبكي يا خطي. اتعجّب الصيّاد وخافْ، لأنّو بحياتو هيك شي ما شافْ. السمكة قالت للصيّاد: "إنت أخدتْ منّي الأولادْ. والسمك بعتوني إلك مرسالْ، منشان تبطّلْ هالحالْ، في غير الصّيد كتير أشغالْ، فروحْ دوّرلك على شغل تاني، ولا تكون هيك أناني!"

اتعجّب الصيّاد وقال: "كيف إنتي سمكه وعم تحكي؟" قالتلو: "وكمان شايفني عم أبكي وحالتي إلك أشكي! إنت كل يوم تصيد وعلى البيت تروحْ، وما عم بتفكر في إنّك عمّال تقتل نفس أو روحْ، عم تخلّينا نحزن كتيرْ، وإنت مانك حاسس بالشي العمّال يصيرْ، وهلاّ أنا جيت من عند عشيرة السمك ضحيّة، يا تتركني فحالي وتبطّلْ هالعملة الإجراميّة. كلّ يوم تقتلْ مننا واحد واتنينْ، وهيك من شهور وسنينْ، ويا إمّا تاخدني معك لأمّك، وفكّر لو واحد إجا وقتلْ إمّك؟ ما كنتْ بدّك تحزنْ وتبكي؟ وللرب اللي خلقك تشكي؟ خلّيني فحالي ورجّعني لأهلي، أحسن من كل يوم لحمنا تشوي وتقلي!"

لمّا سمع الصيّاد هالحكي، من كتر الحزن والوجع بكي! وترك السمكة وخلّها فحال سبيلا حرّة، وإجا عالبيت لعند إمّو ووجّو مصفرّة. قالتلو إمّو: "يا إبني شو جبت معك جديد؟" قالّ: "يا ماما بعد اليوم ما بقى أصيد!"

وحكى لإمّو القصّة، وحلّقو معبّا بالقهر والغصّة. قالتلو الأم: "يا إبني الله يخلّيك، وعلى عمل الخير يقوّيك.

تاني يوم راح الصيّاد يدور على شغلْ، ما يكون فيو لا دبحْ ولا قتلْ. وصار يحبّ السمك والعصافير، ويلعب مع الفراشات ويشوفا تطيرْ وصار إنسان كتير شاطر ومليحْ، وصار ضميرو هادي و مستريحْ.

فؤاد زاديكه
ألمانيا في 23/9/2005 م

[georgette]

--------------------------------------------------------------------------------
أخي فؤاد.
هالقصة مكتوبه بشان الأصغار، بس تعطي حكمه بشان الأصغار أو الأكبار ، صار تبكي السمكه المسكينه ، خوفه من ضرب السكينه ، كلاما طلع من قلبا المحروق ، ?ن?و كل يوم كوتاكل خازوق ،
أو الصياد ألقلبو حن ، قال شالسمكه لاتحملين غم .
أخوك ألياس
4,922


--------------------------------------------------------------------------------
أختي جورجيت هايه القصة هي شلّزغار بس ولا تفزعي إنتي تيقين تاكلين لحم سمك بس عينكي على شوكن! أشكر مرورك الجميل وتعليقك الممتع.
فؤاد


--------------------------------------------------------------------------------
يسلمو ايديك على هالقصة الحلوة والمفيدة واقول ما بقى اتصور اقدر اكل سمك بعد اليوم *حرقت قصباتنا على هالمفجوعة اي والله لحمن طيبو بس كل ما اجي تاكل سمك تاريها كوتبكي وتقول*فكي مني كريد اروح عند امي* انشالله اخوي القصة الجاية ما تكون على جيجة تبكي وتريد اتروح عند اولادها ،،شوي شوي وتنصير اكيلة خضرة بس،،اختك جورجيت