قصة انابيل وبيلي

[georgette]

لمناسبة قدوم عيد الميلاد ساقص عليكم بعض القصص
قصة انابيلوبيلي
بيلي هو طفل رضيع تربى بحضن امو وابوه ،عايلة متحابة ومتفاهمة الى لمن وصل بيلي لعمر التلات سنين وشاف اشلون امو وابوه عم يموتو قدام عيونو لمن احترق البيت وهو عم يبكي وما حدى يساعدو، من حرقة قلبو ومن تعبو من البكى وقع وقام بعد ما خلصت الكارثة وشاف حالو ببيت جدو الي يحبو كتير،عرف راسا انو ما عاد في لا ماما ولا بابا ومن هديك اليوم انخرس لسانو وما عاد يتفوه بكلمة
بعد سبتين اخدو جدو معو للاسطبل منشان ايعرفو على حياوين الاسطبل ولمن دخل وقعت عينو على عجلة صغيرة وحبها من اول نظرة وحط اسمها انابيل ، يا حبيبي انابيل وبيلي عاشو اربع سنين مع بعض وكل حيوانات الاسطبل كانت تعرف انو انابيل تقدر تحكي بس بيلي ما عرف بعدين مع الوقت عرف بسرها،فيوم حست انابيل بوجعو وعرفت انو بيلي يتمنى لو انو قدر حكي ولانو كان المسا من عيد الميلاد طلبت طلب من بابا نويل ،لمن اجا بابا نويل لعند انابيل اتعجب من طلبها ،لانو كان يعرف انو امنية انابيل الوحيدة هي انو تقدر اطتير مع غزالات بابا نويل منشان تعطي الهدايا للاطفال ،ومنشان هيك سالها//انابيل عندك طلب واحد وامنية وحدة واذا هالق ما طلبت الشي الي انت تريدين بدك تستني كمان عشر اسنين لما اقدر احقق الك طلبك// قالتلو /يا بابانويل انا بدي انو بيلي يقدر يحكي ومنشان هيك اتخلى عن حلمي بالطيران معك بيلي اهم من طيراني//
الصبح لمن فاق بيلي بيوم الميلاد المبارك شاف صندوق صغير تحت الشجرة ومكتوب اسمو عليو، اخدو وفتحو ولمن انفتح طلع رماد سحري نزل على ايديو وهاد من هبطتو صرخ على جدو /جدو جدو شو هاد/ولسا ما هو حاسس بالعطية الي اجتو،،
ركض بيلي لعند انابيل وراد ايحكيها بس انابيل ما فيها تحكي وهلق عرف بيلي قدر العطية الي عطاه الله هي والبقرة الحبابة
مرت عشر اعوام كبر بيلي وختيرت انابيل وكل يوم عيد ميلاد ايحطلها قرون الغزال ويزينلها راسها بس بابانويل مشغول كتير ،وبمرة بعد ما زينها وراد ايروح على فرشتو سمع صوتها لانابيل طلع لبرا وما شافها بلش يدور عليها وشافها عم بتدور على بابانويل وعلى حلمها الي ضاع ،وضعها زعلو كتير لبيلي ركع على اجريو وعلا راسو للسما وقال/يارب انت القادر وانت العاطي جازي انابيل بالخير الي هي تستاهلو وحققلها امنيتها وانا مستعد لكل شي تطلبو/ وهي لساتو يصلي ودموعو تمشي على خدو سمع صوت نازل من السما وعم يحاكي انابيل رفع راسو وشاف بابانويل رش رملو السحري على انابيل وبثواني اتحولت انابيللغزال حلو وشاب وطارت مع بابانويل وغزلانو منشان يعطو هدايا احبائنا الصغار والي يستاهلو
وهيك انبسط بيلي لصديقة عمرو وعرف انو كل سنة تايشوفها بيوم ميلاد المسيح المبارك لانو يوم محبة وخير والكل عايشين بسعادة وحب وشاكرين للرب هديتو الي عطانا اياها وهي ابنو الحبيبواخونا وسيدنا المسيح ،،فالف مبروك لكل الامة المسيحية على هالهدية
وتوتة توتة خلصت الحدوتة
والي فهمناه يا حلوين
1* العطاء احلى من الاخد واذا عطينا خير بيعود علينا خير
2* التضحية الرب ما بينساها وبكافئ بالحسن
3* والصداقة المبنية على صدق ومحبة بتكون شجرة كبيرة ومثمرة وما رح اتجوع طالما هي عندك
جورجيت

[georgette]

اختي سميرة واخي فؤاد
اشكركن من كل قلبي على اطراءكن الحلو ودخولكن على القصة وبالفعل فيها معاني واهداف للصغير والكبير وانا كمان اتمنى لكل الامة المسيحية ولكل الطوائف الاخرى سلام وراحة ونهاية الحرب والتدمير وانشالله تتحقق كل امنياتنا في يوم من الايام
اختكن جورجيت


--------------------------------------------------------------------------------
الله يا جورجيت على هالقصص الرائعة كلها حكم وكل عام وأنت والأهل بكل محبة وخير وإن أمنيتي أيضا هي ألا نغادر هذه الحياة إلا بعد رضاء الرب علينا وأن يعم السلام وتطفأ نار الحروب وأن يفكر الإنسان بأخيه الإنسان كثير من الأطفال تيتموا من الحروب ..والسجون ممتلئة بالناس المظلومين ويا لطيف ألا يفكر الطغاة بأنهم مهما قوي نفوذهم يوجد قوة خارقة سيأتيهم يوما وسيحاسبون على مااقترفت أياديهم من آثام وجرائم بحق إخوتهم في الإنسانية!!!
إنك بارعة في سرد القصص ياجورجيت ولك ألف شكر
سميرة




--------------------------------------------------------------------------------
سرد قصصي جميل وممتع يا جورجيت وفي النهاية وكما عوّدتينا استخلصت ما يلزم من الحكم من هذه القصة الجميلة. لك كل الشكر يا أختي ونتمنى أن يتحقق حلم جميع الناس في أن يعمّ الأمن والسلام في العالم ولو قدم بابا نويل إلى طرفي وسألني عن أمنيتي التي أريدها فلن تكون دون أي شك غير ذلك. أي أن ينعم كل الناس بالأمن والسلام وتعمّ المحبة ربوع المسكونة جمعاء!