حكويات أفندينا مع الكاتبه جورجيت

[athro]

حكويات افندينا

حق المعالجة
افندينا له علم كبير في الطب والعلاج، حيثُ أصبح معروفاً بقدراته ومهاراته الفائقه في مجال الطب في جميع أرجاء المدينه لا بل لا بل في كافة البلاد .
في يوم من الايام أتا رجل سمين وتخين وبخطوات ثقيلة لعند افندينا، وكان يتنفس بصعوبة كبيرة من كترة التخنة!!!!
عزيزي افندينا انا عم بتعذب تحت سمنتي وتخني، فيك الله يوفقك تكتبلي وصفة ضد هالتخنة*
فكر افندينا شوي وبلش يكتبلوا وصفه وبعد أن انتهى من كتابتها قال له تفض يا سيدي هاي وصفتك*
الزلمة التخين اندهش وانهبط لمن قرا الشي المكتوب؟؟؟!!!! فقد كان مكتوباً في الوصفه ...ستموت بعد خمسه عشره يوماً* اصفر وجهه ورجفو ركبو....بعد وصولو للبيت شطح حالو عالديوان من غير حيل ولا قوه، خمسة عشره يوماً عاشن بفزع وخوف ومن خوفتو ما كان ياكل الا شوية جبس طول اليوم الى أن وصل زلمتنا لنصف الوزن الذي كان عليه من التخنه،،فعندما انتهت الأيام الخمسه عشر وشاف انو لسى ما مات ،ركض غضبان لعند افندينا وبلش يسبسب ويلعن فيه*
قفال :افندينا حضرتك قلت بدي موت بعد أسبوعين وليش دخيلك لساتي واقف على رجلي قدامك فيك تخبرني شو القصه!!!!*

بلش افندينا يضحك ويضحك وهالشي زعجو للزلمة التخين كتير بلش من عصبو يرفص ويضرب لحد ما وقع على خلفيتو....هون بلش افندينا يحكيلو وقاللو:
ليش هالسينما الي انت عاملها اي لولا وصفتي ما كانت نزلت تخنتك نزلت وتحسن حالك بس صدقني بدك تبلش تضعف أكتر لو شفت الفاتورة .....يالله قوم على رجليك وادفع دينك *
ومن هاك اليوم بلش الزلمة ينتبه لصحتو ......وصحة جيبتو.

جورجيت زاديكه_سويسرا
والى المزيد مع كاتبتنا
اثرو

[الياس زاديكه]

هالوصفة كان راح تلزم بشاني ياأختي وعزيزي أثرو .. بس ياخسارة بعرفها هالوصفة يعني مابيمشي الحال فيها ... إذا عندكن غير وصفات لتخفيض السمن أكتبوها بس تحت هالشروط :
1 - لا تقولون يلزم تمشي كل يوم !!! لأني بكره المشي
2 - لاتقولون نقص أكلك وكل بس سلطات !!! لأن أنا بحب بطني كتير ومابحب السلطات ..
3 - لا تقولون أترك المشروب أي الكحول !!! لأن هو حياتي بدونه لا أستطيع العيش
يلا لشوف إذا عندكن وصفة رابعة بشرط تضعفني وأنا صباح ومسا قاعد على الأنترنيت ههههه
تشكر ياغالي أثرو على تجديد قصص أفندينا للكاتبة جورجيت زاديكه
تقديري ومحبتي
ألياس

[georgette]

هههههه
هاي كانت قصة ترجمناها من قصص للاطفال وهي قصص تقريبا متل نوادر جحا
تشكر يا ابو نينيب لنقلها هنا
محبتي
وللغالي ابو فرانس الي عندك طريقة سهلة وتفيد //انا نفعت معي//
نقص المعكرونة والرز والبطاطا والخبز ،،زيد اللحمة والسمك والجبنة بس كلو بدهنة قليلة ،،زيد الخضرة والسلطات ،،وكل بس كل خمس ساعات ،،ثلاث وجبات باليوم ،،و3 ليتر مي
وصدقني ينفع ،،انا نزلتو 10 كيلوات بتلات شهور ،،،جربها
محبتي