|
Arabic keyboard |
|
#71
04-11-2006, 06:00 PM
|
|||
|
|||
شو بيبقى من الرواية
شو بيبقى من الشجر شو بيبقى من الشوارع شو بيبقى من السهر شو بيبقى من الليل من الحب من الحكي من الضحك من البكي شو بيبقى شو بيبقى شو بيبقى يا حبيبي بيبقى قصص صغيرة عم بتشردها الريح شو بيبقى من الملاهي من رصيف القمر من الناس اللي حبوا من اللوعة من الضجر شو بيبقى من البحر من الصيف من المضى من الحزن من الرضى شو بيبقى شو بيبقى شو بيبقى يا حبيبي يبقى قصص صغيرة عم بتشردها الريح مع قصص الريح غربني ع شطوط العمر غربني واكتبني اكتبني ع الورق اكتبني ع الحزن و ع الزهر ع الصيف و ع البحر ع الشجر و ع الضجر وع السفر اكتبني اكتبني شو بيبقى من الرواية شو بيبقى من الشجر شو بيبقى من الشوارع شو بيبقى من السهر شو بيبقى من الليل من الحب من الحكي من الضحك من البكي شو بيبقى شو بيبقى شو بيبقى يا حبيبي بيبقى قصص صغيرة عم بتشردها الريح 
|
|
#72
04-11-2006, 08:12 PM
|
|||
|
|||
|
أنا عندي حنين
أنا عندي حنين ما بعرف لمين ليليي بيخطفني من بين السهرانين بيصير يمشيني لبعيد يوديني تا أعرف لمين و ما بعرف لمين عديت الأسامي و محيت الأسامي و نامي يا عينيي إذا راح فيكي تنامي و بعدو هالحنين من خلف الحنين الحنين بالدمع يغرقني و بأسامي المنسيين تا أعرف لمين و ما بعرف لمين أنا خوفي يا حبي لتكون بعدك حبي و متهيألي نسيتك و أنتا مخبى بقلبي و بتودي الحنين ليليي الحنين يشلحني بالمنفى بعيونك الحلوين تا أعرف لمين و ما بعرف لمين
|
|
#73
08-01-2007, 11:37 PM
|
|||
|
|||
|
القدس العتيقة مريت بالشوارع شوارع القدس العتيقة قدام الدكاكين اللي بقيت من فلسطين حكينا سوى الخبرية وعطيوني مزهرية قالوا لي هيدي هدية من الناس الناطرين ومشيت بالشوارع شوارع القدس العتيقة أوقف على باب بواب  صارت وصرنا صحاب وعينيهم الحزينة من طاقة المدينة تاخدني وتوديني بغربة العذاب كان في أرض وكان في إيدين عم بتعمر عم بتعمر تحت الشمس وتحت الريح وصار في بيوت وصار في شبابيك عم بتزهر صار في ولاد وبإيديهم في كتاب و بليل كله ليل صار الحزن سيد البيوت والإيدين السودة خلعت الأبواب وصارت البيوت بلا أصحاب بينهن وبين بيوتهن صار مثل الشوك والنار والإيدين السودة عم صرّخ بالشوارع شوارع القدس العتيقة خلي الغنيّة تطير عواصف وهدير يا صوتي ضلك طاير زوبع بهالضماير خبرهن عاللي صاير بلكه بيوعى الضمير
__________________
www.kissastyle.de
|
|
#74
27-01-2007, 09:14 PM
|
|||
|
|||
|
سألوني الناس - فيروز.
سألوني الناس_للتحميل سألوني الناس_للاستماع سألوني الناس عنك يا حبيبي كتبوا المكاتيب و أخدها الهوا بيعز عليي غني يا حبيبي و لأول مرة ما منكون سوا سألوني الناس عنك سألوني قلتلن راجع أوعى تلوموني غمضت عيوني خوفي للناس يشوفوك مخبى بعيوني و هب الهوى و ما كان الهوى لأول مرة ما منكون سوا طل من الليل قلي ضويلي لاقاني الليل و طفى قناديلي و لا تسأليني كيف إستهديت كان قلبي لعندك دليلي و اللي إكتوى بالشوق إكتوى لأول مرة ما منكون سوا __________________
|
|
#75
14-02-2007, 03:04 PM
|
||||
|
||||
|
كتب أسمك يا حبيبي
بكتب اسمك يا حبيبي عالحور العتيق تكتب اسمي يا حبيبي عرمل الطريق بكرا بتشتي الدنيي عالقصص المجرحه بيبقى اسمك يا حبيبي و اسمي بينمحى بحكي عنك يا حبيبي لأهالي الحي بتحكي عني يا حبيبي لنبعة المي و لما بيدور السهر تحت قناديل المسا بيحكوا عنا يا حبيبي و أنا بانتسى و هديتني وردة فرجيتا لصحابي خبيتا بكتابي زرعتا عالمخده هديتك مزهرية لا كنت تداريها و لا تعتني فيها تاضاعت الهدية و بتقلي بتحبني ما بتعرف قديش ما زالك بتحبني ليش دخلك ليش ------------
__________________
بشيم آبو و آبرو روحو حايو قاديشو حا دالوهو شاريرو آمين im Namen des Vaters und des Sohnes und des Heiligengeistes amen بسم الآب والأبن والروح القدس إله واحد آمين
|
|
#76
10-04-2007, 10:23 PM
|
||||
|
||||
|
إحكيلي إحكيلي عن بلدي إحكيلي - الأخوين رحباني إحكيلي إحكيلي عن بلدي إحكيلي يا نسيم اللي مارق عالشجر مقابيلي عن أهلي حكايي عن بيتي حكايي و عن جار الطفولي حكايي طويلي يا نسيم اللي مارق عا أرض الغار حلفتك تجي تلعب عندي بهالدار خبرني انكان بعدو بيذكرني ببلدي و عالسهرة ناطرني ساعات الفرح القليلي حبيبي إحكيلي حلفتك خبرني كيف حال الزيتون و الصبي و الصبيي بفيي الطاحون و اللوزي و الأرض و سمانا هو هني بلدنا و هوانا زهر الأيام البخيلي حبيبي إحكيلي
__________________
بشيم آبو و آبرو روحو حايو قاديشو حا دالوهو شاريرو آمين im Namen des Vaters und des Sohnes und des Heiligengeistes amen بسم الآب والأبن والروح القدس إله واحد آمين
|
|
#77
11-04-2007, 07:05 PM
|
||||
|
||||
|
رجعت العصفورة - الأخوين رحباني رجعت العصفورة تعشش بالقرميد و السوسني رجعت تزهر من جديد إجت الشتويي تجمعو العشاق رجعت المدارس أطفال تلج و عيد و طلع السماق و مد جنا حو بس اللي راحوا راحوا بالدفاتر عندي أسامي غياب أصحابا تركوها صارت بلا صحاب يوسف الكندرجي صبحي بياع الكاز و أمين البواب اللي انقتل عالباب أساميهن عندي و هني راحوا و كل اللي راحوا راحوا قالوا كتير و كتبوا كتير و مراكب دمع و عواطف حرير وصلت القصايد لآخر الدنيي القصايد المجروحة لآخر الدنيي قالوا تهدم وطن الهدير وطن الزمان اللي علم و بني و بكيت الدنيي بكيت الدنيي لكن رح نرجع رح نرجع رح نرجع رح نرجع من حرايق رح نرجع من شوارع هدمتها المدافع رح نرجع رح نرجع و لبنان الحقيقي جايي لبنان البساطة جايي تايشيل الوجوه المصبوغة الوعود المدموغة و ياخدهن الشتي بفيي البواب عم تكبر الطفولة عم تكبر البطولة عم تلمع الساحات يا وطني العظيم نهر الفرح والع و بضو الفجر الطالع تتوهج الحياة
__________________
بشيم آبو و آبرو روحو حايو قاديشو حا دالوهو شاريرو آمين im Namen des Vaters und des Sohnes und des Heiligengeistes amen بسم الآب والأبن والروح القدس إله واحد آمين
|
|
#78
13-04-2007, 01:38 PM
|
||||
|
||||
|
وطني - الأخوين رحباني وطني يا جبل الغيم الأزرق وطني يا قمر الندي و الزنبق يا بيوت البيحبونا يا تراب اللي سبقونا يا زغير و وسع الدنيي يا وطني و طني يا دهب الزمان الضايع وطني من برق القصايد طالع أنا على بابك قصيدي كتبتها الريح العنيدي أنا حجرة أنا سوسني يا وطني جيراني بالقنطرة تذكروني و بلابل القمرة يندهوني شجر أراضيك سواعد أهلي ششجروا و حجار حفافيك وجوه جدودي العمروا و عاشوا فيك من ميت سني من ألف سني من أول الدنيي وطني وحياتك و حياة المحبي شو بني عم أكبر و تكبر بقلبي و أيام اللي جايي جايي فيها الشمس مخبايي أنت القوي أنت الغني و أنت الدني يا وطني
__________________
بشيم آبو و آبرو روحو حايو قاديشو حا دالوهو شاريرو آمين im Namen des Vaters und des Sohnes und des Heiligengeistes amen بسم الآب والأبن والروح القدس إله واحد آمين
|
|
#79
14-04-2007, 10:22 PM
|
||||
|
||||
|
في قهوة عالمفرق - الأخوين رحباني في قهوة عالمفرق في موقدة و في نار نبقى أنا و حبيبي نفرشها بالأسرار جيت لقيت فيها عشاق اتنين زغار قعدوا على مقاعدنا سرقوا منا المشوار يا ورق الأصفر عم نكبر عم نكبر الطرقات البيوت عم تكبر عم تكبر تخلص الدنيي و ما في غير يا وطني يا وطني أه بتضلك طفل زغير متل السهم الراجع من سفر الزمان قطعت الشوارع ما ضحكلي انسان كل أصحابي كبروا و أتغير اللي كان صاروا العمر الماضي صاروا دهب النسيان
__________________
بشيم آبو و آبرو روحو حايو قاديشو حا دالوهو شاريرو آمين im Namen des Vaters und des Sohnes und des Heiligengeistes amen بسم الآب والأبن والروح القدس إله واحد آمين
|
|
#80
19-04-2007, 08:32 PM
|
||||
|
||||
|
زنوبيا - الأخوين رحباني زنوبيا زنوبيا اسمعي يا زنوبيا اسمعي أبواق الرومان عم تعلن نهاية تدمر تدمر يا نجمة المشارق حاصرتك روما و أستشهدوا أبطالك لبصرى عم يسمع نحيبك يا طفلة الممالك أهربي يا زنوبيا أهربي أهربي وين العربيي ويني و الممر السريي وينيي و كرام الدراويش ويني و لا تذلك روما زنوبيا أهربي لأ إذا أنا بهرب الأرض ما بتهرب كل شي عم يهرب المملكي السعيدي طفلة الممالك هربت من إيدينا خمس سنين حكمت زنوبيا بنيت حضارة ثارت على روما خمس سنين با غفلة سريعة يا خمس سنين خمس سنين ميت سني بيمروا متل الطير بياكلهن الزمان زمان اللي بياكل كلس الحيطان بس اللي بيبقى الوحدو بيبقى شرف الوقفة صرخة بوجي الظلم انهدم البرج انكسر السور العسكر هاجم صوب الملكي متل الأطفال اللي بدن يتخطافوا اللعبي أهربي يا زنوبيا أهربي يا زنوبيا و إنتو؟ نحنا منبقى نحنا عشب الأرض و العاصفي بتمرق فوق بتكسر الورد العالي وردة إنتي و العاصفي جايي تاخدك إنتي أنا زنوبيا ملكة المملكي النبيلي لأجل الحرية بختار الموت عطوني كاس الموت الملكي العظيمي رفضت الظلم و اختارت الموت اختارت النسيان ودعوا زنوبيا بموسم الدمع بصوت الفرح بورق الرمان يا موت يا زهرة البطولي يا تاج الحياة و عطية المحبي الخجولي يا موت هديني بإيدي خدني عا طرقات مفروشي بالنوم و سعيدي و يا أهالي تدمر خمس سنين من العمر عشتوها أحرار إلكن سما و هويي و اللي سكن الحريي اليوم انهار ما بقى تقدر روما تسلب منو الحريي كاسك يا موت أورليانوس الأمبراطور زنوبيا ما إلك مهرب من روما حتى بالموت أورليانوس أنا برفض روما و سيطرة روما إنتي اتمردتي نحنا عم نتحرر و عارفي مصيرك؟ عارفي مصيري بساحات روما مكبلي بالحديد أمشي بالشوارع مغلوبي أسيرة يتفرجوا الناس عالملكي الأسيرة اللي بدو يصير ما عاد يهم أنا لعبت الدور و الدور المهم لا تخدعي الناس صارحي الناس قوليلن انكسرتي أورليانوس الإنكسار بيمضى و الإنتصار بيمضى و بكرا بالإيام تدمر اللي انكسرت و روما اللي انتصرت تنينتهن حجار و أنت و أنا تمثالين بساحة الأثار لكن بكل زمان و مكان بدا تطلع روما تطغي و تظلم و بدا تطلع تدمر ترفض الظلم و بآخر الآخر بسهول الزمان تنتصر تدمر تدمر الحريي تدمر الصرخة اللي بقلب الإنسان كبلوا زنوبيا خدوها على روما تتقدم أجسامنا يحصدها السيف الحاصد تتمدد أيامنا ينهبها الوقت الراصد إذا مننسى زنوبيا أو صرخة زنوبيا لوحوا بإيديكن ودعوا زنوبيا قولوا للشعرا يكملوا الأشعار قولوا للثوار يضلهن ثوار المملكي تدمر انتهت من الأرض صارت بالقلوب صارت بالمدار صارت الصرخة و صارت النار أورليانوس عجل خدني على روما عليت الصرخة كبرت على الموت لاعسكرك أورليانوس و لا قوة روما و لا كل روما بالدهر بتسكت هالصوت
__________________
بشيم آبو و آبرو روحو حايو قاديشو حا دالوهو شاريرو آمين im Namen des Vaters und des Sohnes und des Heiligengeistes amen بسم الآب والأبن والروح القدس إله واحد آمين
|
 |
| مواقع النشر (المفضلة) |
|
|
العرض العادي
