أغاني الميكروباص

[fouadzadieke]

أغاني الميكروباص

يقولون انها الاغانى الشبابية، والبعض سماها اغانى الحرامية ، نسبة اللى الحقبة الساداتية التى فرمت مخ المواطن حتى اصبح كالمهلبية ..اما الميكروباس فهو الاسم الاعجمى لعربية لا مثيل لها على ظهر البرية فهى اسوا مواصلة عصرية وان كانت فخر الحدادة المصرية ..يكدسون فيها البشر كانهم الارز فى الكوسة المحشية بطريقة غير انسانية لا يقبلها الخروف وعندما تسال احد الوقوف : لماذا تقف هكذا يقول لك انها الظروف !
ومن عجائب ذلك الميكروباس ان له ترباس يقف عليه طفل من الحراس ولهذا فان راكبه يعامل معاملة البلاص .. اما سائقه فهو من عينة السوابق ورتبة المهياص. ما ان يشغل البتاع( التسجيل)حتى يصيبنا بالقرف والصداع فتسمع الاوجاع من اغانى المكوجية والصياع واحد يصيح :عذاب عذاب بصوت الهباب وآخرا يغنى ايه ورد الجناين ده اللى يصحى النايم..! ده . ثم غنت راقصة و اسمعتنا فاصلا من الاغانى الناقصة من عينة :
سوق على مهلك..! انا زيك روحى بتندهلك ثم فجاة تصرخ :طلقنى خلاص طلقنى ..احسن طبعك زهقنى ! ثم سمعنا مطرب المحارة بصوته الذى يذكرك بضفادع الخرارة عندما يهتف قائلا : كداب يا خيشة ..كداب قوى انا كنت فاكرك فهلوى !واما ما جعل الكيل يطفح ذلك المطرب السنكح الذى لا يخجل ولا يون فهو طالع يزن نازل يزن قائلا عن نفسة انه الواد الجن وما على الركا ب الا ان تسمع او ترن .. وهنا قلت اعلى صوتى يالله …ارحمنا من هذه الافواه التى تعكنن شكوكو فى صباه .كيف ياخلف يغنى المطرب من قفاه ؟
فرد راكب دى مش اغنيات دى غنج واهات وهولاء المطربين بصراحة اصحاب سابقات فزعق السائق بغيظ باخوانا سيبونا نهيص ..واللى مش عاجبه ينزل والا يموت فطيس ..وهنا امرت سائق التومبيل : اغلق هذا التسجيل.. ايها العويل وبطل هذا الهلس والتهليس والا اخذتك من قفاك الى البوليس فشخر قائلا باين عليك مش عايز تعيش وهنا انطلقت الفرقعات ..بوم آآآى .طاخ وعم الصراخ فتطاير الركاب من الشبابيك كالفراخ اما السائق ( صاحب المزاج الرائق ) فقد اصابته بونيه فداخ واستلقى جذلانا فى السباخ حتى رايت الموقف قد باخ فكففت عن الاذيه وتركت الرعية وحلفت الا اعود لركوب تلك العربية الا ومعى مسدس اوبندقية .

منقول عن "الشارع العربي"

[maikel]

حبيبى فؤاد
واضح ان احب تلك المقالة مش نزل مصر من زمان لان الموضة بتاعة الكلام اللى بتقول علية ده من فترة طويلة انما السايد الان اغنية العنب العنب العنب احمر و شكلة جنان , اصفر و لوتة جنان , اخضر و طعمة جنان , ينفع فى شتا او صيف هههههههههههههههههه و لما المطرب وجد ان موسم العنب راح فغنى للبلح ثم للسمك ههههههههههههههههههههههههههههههههههههههههههههههههه
نحمد الله ان ام كلثوم توت قبل ان تسمع حاجات مثل هذه و الا ماتت بصدمة نفسية