قحوة إستراحة للأخوة أعضاء المنتديات كو?كه

[الياس زاديكه]

ألف الحمد لله على سلامتكي ياإبنة عمي سميرة في القهوة والمنتدى وبيننا !! تكرم عيونكي وعيون فؤاد والله أطيب شاي يلزمها هالكيكة الطيبة من إيدين أستاذتنا الآشورية ...أوهاي شاي لسميرة وفؤاد مين تاني عايز يشرب يخبرني وبسرعة
شو هالإتهامات أستاذتي الأشورية أنا عم بدعيكم على القهوة ،، الشرب كله بلاش أنتن ماعاد ترضون بزيارة قهوتي !! وحتى بخاشيش ماعاد تتكرمون فيهم علي !!! بس يلا خلاص عملنا صلح يعني ( صافي يالبن )

[SamiraZadieke]

الغالية الآشورية شكرا لترحيبك بي وهلا تنحكي مع الياس منشان ينزل الأسعار بس البخشيش بدو يبقى كل واحد أيش مايطلع من ايدو وشكرا لكرتك الجميل كجمال روحك الطيبة
الياسنا الغالي المشروب عملتو امبلاش نشكرك بس رجاء نزل الأسعار هيك وهيك الحلويات يجوك امبلاش أيش تريد بقا
شكرا لترحيبك بي وشكرا للشاي اللذيذة موتجون مع الأولاد بكرا لعنا ؟؟؟ تعوا تتكون حفلة طيبة ..

[georgette]

يا مية وردة طلت مع طلتك يا مرة اخوي ويا هلا برجوعك //والله كان لك وحشة يا حلو//
مممممواه يا غالية

[SamiraZadieke]

شكرا ياأحلى جورجيت وأنا كمان اشتقتولكن كتير ليش ماطلبتي شرب في كيكة طيبة جابتا معا الآشورية الله يخلي أولادها
والياسنا هولكتو يي اليومي عالبخاشيش اللي تتجيلو ليش لا العز للرز والبرغل شنق حالو

[الياس زاديكه]

يابنت عمي صدقيني ماني مغلي الأسعار هاي كلها إتهامات هولنديه ههههه إي حتى بخاشيش ماعاد يعطوني ياسموره ... بس أشكر أستاذتي الآشورية على حلوياتها ودعمها لقهوة الشراويل .
الله يسمع صوتكي ياسموره ويجون كل الزبائن على القهوة بشان البخاشيش ، لأن جيبي فرغ وراح أأفلس وأضطر أسكر القهوة وبالشمع الأحمر كمان ... بقى كل شي يتوقف عليكن ياغوالي
أهلا فيكي أنتي كمان أختي جورجيت !!! وين كنتي لهلق ولن ..؟؟؟

[joumana]

مساء الخير يا جماعة يا ابن عمي حابة اشرب كاسة قهوة من يداك بعد عذاب المبارح والمقلب الي يعملتو في لانو لحت الان دوخنا ما صحيت من المقلب هههههه

[joumana]

شو عم يبين اليوم عطلة القهوة وين زبائن يا الياس ونيكي يا الاشورية ليش ما بقى حلويات عندكي راح ابعتلكي مشبك ولو تكرم عيونكي

[الياس زاديكه]

تكرم عيونكي يابنت عمي هاي أطيب قهوة لصاحبة أطيب قلب !!! معليش بنت عمي المقلب أتناسيه
بس فعلا ليش أنا مسكر اليوم الزبائن كلها موجودة !! يلا يابنت عمي صيحي للنسوان وتعوا وخلي أستاذتي الآشورية تجيب معها حلويات بس لاتنسون البخشيش مفهوم

[alashoria]

أين جميلات المنتدى:p
جبتلكم تشكيلة من البقلاوة
وينك استاذ الياس ما في عندك شاي

[joumana]

يمي يمي وانا اقول ليش ريحة البقلاوة وصلا لعنا في بقلاوة في القهوة لعيونكي حبيبتي الاشورية راح اعمل قدحين قهوة الي والك ودركينا هلا من الياس احسن ما يجي ياكل نص الصينية

[alashoria]

اهلين جومانتنا الغالية :p
والله على ئولتك خلينا نشرب شي دافي
بس كمان ماني شايفة لا سميرة ولا جورجيت ولا صباح
راح اخبيلهم حصتهم قبل لا تطير صينية البقلاوة


رايحة أدور عليهم وراجعة

[الياس زاديكه]

ياأهلا وسهلا بإستاذتي الأشورية وإبنة عمي جومانا نورتن القهوة
أوليك كيف دخلتن على القهوة وصاحبها ماهوي موجود ؟؟؟ يلا معليش مادام جابت معاها أستاذتي الآشورية صينية بقلاوة راح أسمحلكن تضلون بالقهوة .....
أي والله تسلملي هالبقلاوة اللذيذة ...
تكرم عيونك أستاذتي الآشوريه أطيب كاسة شاي لآستاذتي ...
الله إيسامحكي يابنت عمي هيك لكان بشان ماأخلص نصف الصينية أي شو عليه ؟؟؟ بس يلا معليش أنتي وأستاذتي الآشورية مادام دخلتن هون ماراح تطلعون لحتى ماأقدملكن معسل وقهوة مع حب الهال .
حقا وينهم سميرة وصباح وجورجيت ؟؟؟ بدي منكن تعلموهم مفهوم

[الياس زاديكه]

اليوم أنا فرحان كتيرررررر !!!! أدعوكم جميعا إلى القهوة أكل وشرب بلاش على حساب رئيس قهوة الشراويل !!! تفضلوا طلباتكن !!!

[alashoria]

مع اني جيت متأخرة خير إن شاء الله
شو فيه
بشرنا يا ابو فرانس
يارب تفرح دوم مو يوم.

[الياس زاديكه]

مع اني جيت متأخرة خير إن شاء الله
لا تخافي أستاذتي ماأجيتي متأخرة لأنكي أنتي الوحيدة التي شاركتني فرحتي رغم أني كتبت لوحة عريضة على القهوة بأني فرحان وكل شيئ بلاش اليوم ولم يشرفني أحدا سواكي .. فأهلا وسهلا فيكي !!!
بشرنا يا ابو فرانس
الله يبشركي بكل ماهو مريح وصالح لكي أستاذتي الغالية
يارب تفرح دوم مو يوم.
وي ربي يحفظكي لزوجكي وبناتكي طول الدهر
بس دخلتي القهوة وخرجتي بدون أكل وشرب !!! كان لازم على الأقل تطلبين صحن أكل وكاسة مشروب معه ياأستاذتي الآشورية

[alashoria]

بس دخلتي القهوة وخرجتي بدون أكل وشرب !!! كان لازم على الأقل تطلبين صحن أكل وكاسة مشروب معه ياأستاذتي الآشورية__________________
ماشربشي الشاي اشرب أزوزا أنا
أصلي عاملة ريجيم ههههه:D

[fouadzadieke]

الله يخليك على طول فرحان يا أبو فرانس البطل وهات شرّبنا على حسابك أش من كان ما يخالف یابی ?ولة العرا?ي.

[الياس زاديكه]

ماشربشي الشاي اشرب أزوزا أنا
إي تكرم عيونكي أستاذتي أطيب كازوزا سينالكو لأستاذتي الآشورية !!
أصلي عاملة ريجيم ههههه
أي لاء ياللي يدخل عندي لازم ينسى الريجيم لأن عندي أطيب الأكلات !!! كباب حلبي ،، شوي على الفحم ،، خاروف محشي ،، كبة من أنواعها وأخير ا ( الجوقات ) ..ماأظن تعرفي شو هني ( الجوقات ) يعني كبيبايات
تشكر أخي فؤاد ،،، تكرم عيونك أطلب وأتمنى وياللي أنت عايز جاييك على جناح الطير . وكله على حسابي

[SamiraZadieke]

مرحبا ياحبايب أشلونكم عساكم بألف خير
يلاياالياس فرحنا معاك ويارب أيامك تكون كلها فرح
بدي كاسة كاكاو مع حليب

[fouadzadieke]

الياس يا بو الكرم
عزّك يدوم عالي
ضيفك أبد ما انحرم
ولا خاب يا غالي

[الياس زاديكه]

وين كنتي البارحة ياصديقة طفولتي سموره !!! يلا معليش مسامحة !!! أو هاي أطيب كاسة كاكاو مع حليب نيدو كمان تكرم عيونكي بس بدي تدوقيها وتعطيني خبر !!! ما تواخديني اليوم مافي لابقلاوة ولا حلويات لأن أستاذتي الآشورية ماجابت معها ...
أنت أصل الكرم ياأبن الأصول
كلامك زين طاري إحساسي
بعزك ياأخي وأنت أحلى الزين
وحبك بقلبي ومدوخلي راسي

[SamiraZadieke]

شكرا يا أغلى الياس مومشكلة حلويات بالليل ثقيلة هي على المعدة والبارحة كنت تعبانة كتير كان عندي شغل كتير وغدا أيضا ..
الكاكاو كان طيب بس مرة تانية مع حليب بقر مو مع حليب نيدو رجعتنا للفقر ياالياس ؟؟

[الياس زاديكه]

يعني أنا حسبت عم بعزكي وأقدركي ياصديقة طفولتي لهل سبب أخترت حليب نيدو !!! هلا حقة أين حليب أطيب ؟؟ حليب نيدو ولاحليب البقر ههههه ؟؟
الرب إيقويكي ،،ويعليكي ويديليكي ،، ومن عندو يعطيكي ،،، كل شي تتمناه نفسكي يازوجة أخي

[SamiraZadieke]

شكرا ياالياس لا ..حليب البقر طازا أطيب بكتيرمن حليب النيدو
وشكرا لتمنياتك الجميلة لي
وربي يخليلك ازغاركاتك..ومرتك براسك ..

[alashoria]

انا جبت طبق الحلو وراجعة
عندي شوية اشغال اخلصها
وارجعلكم .بااااااي.

[الياس زاديكه]

تكرم عيونكي ماراح أترك حدا يدخل القهوة لحتى ماتجي أستاذتي الآشورية !!! وشكرا لكي على هالطبق الرائع من الحلويات ...

[Sabah Hakim]

اي انا دخلت قبل الاشوريه بس ماتخافوا ماراح اكل شي لاني صار معي قرحه من الشوفه بس هههه

ألياس صدقني انا اليوم حاسه بحزن عميق ووووووو اعطيني شراب السعاده اذا عندك
راجعه

محبتي

[الياس زاديكه]

أتي مسامحة يازهرة لأن معكي ( حق الڤيتو ) أي أهلا وسهلا فيكي ربي يبعد عنكي كل مكروه وحزن ياقريبتي الغالية .. صدقي مزجت من جميع زهور البساتين لحتى وفرت لكي كأس من شراب السعادة .
فأشربيه بالصحى والسعادة !!! بس بدي أسمع رأيكي في هذا الشراب للسعادة

[Sabah Hakim]

امممم والله كتير طيب يا اخي الياس بس مفعولو لسه مابدا ههههههه اذا ما استفدت منوا مجبور تساويلي واحد تاني معليش راح اتقل عليك ولك كل الود

محبتي

[الياس زاديكه]

راح أنتظر تقريبا ساعة لحتى أسمع منكي نتيجة مفعول الشراب يازهرة !! وبعدها راح نحاول كريقة تانية