قحوة إستراحة للأخوة أعضاء المنتديات كو?كه

[joumana]

يا هلا وسهلا بحبيبة القلب سميرة نورت القهوة اي احلى قهوة وقطائف تخدم عيونك يا سمورة بس وين كرسونا يا سمورة انا شايفة انا راح احضر القهوة لانو هو كتير مشغول باين

[الياس زاديكه]

أهلا وسهلا فيكن ياحبيبة قلبي جومانا وصديقة طفولتي سموره وفأخي فؤاد ... أبشروا ياغوالي أجى الكرسون تفضلوا شو بتشربوا ياغوالي ..

[SamiraZadieke]

نحني أجينا وهوي هرب واالياس تعا وجيب ام فرانس معك نستناكن أنا وجومانة الغالية

[joumana]

والله انا بدي ايس كريم يا ابن عمي وراح اعزم حبيبتي فريدة معي على ايس كريم اهلا فالكرسون نورت الدردشة واليوم الك بخشيش حلو لانك تستاهل يا الغالي

[الياس زاديكه]

إي ليش هرب أخوي مافي حدا غريب ياصديقة طفولتي سموره خليه لايستحي .. أي تكرم عيونكي راح أجيب فريدة كمان أستنوني بس دقيقة

[الياس زاديكه]

أحلى وأطيب أيس كريم لحبيبة قلبي جومانا تكرم شواربكي ياغالية بس تاكليه خبريني كيف كان طعمه ياغالية وأشكركي كتير على البخاشيش ياجومانا

[SamiraZadieke]

وهاي بخشيش مني كمان بس أريد قدح كابوجينو

[الياس زاديكه]

أي تكرم عيونكي ياأعز وأغلى صديقة طفولتي سموره أطيب كاس كاباجينو لأغلى صديقة وبنت عم ... بس بدي بعد ماتشربوها تخبروني أشلون كلن طعمها أوكي ... وأشكركي كتيررررر على البخشيش ياصديقتي الغاليه سموره

[SamiraZadieke]

اي يسلمو كابوجينو ولا أطيب من هيك
يسلمو يا أبو فرانس أخويا الغالي ..

[fouadzadieke]

مساء الخير يا جماعة أنا بدّي (من بعد أمركن) شاااااي أسود تقيل متل دمّي و بدون سكّر. إزا في عندكن هااا!

[الياس زاديكه]

بالصحة والهنا ياصديقة طفولتي وإبنة عمي
سمور ه

إي تكرم يافؤاد الغالي
دمك أسود بس يحلالي
هادا ياللي كان دايم ببالي
أنت وردتنا بالسما تلالي
وهاي أطيب شاي مو متل دمك الحلو والخفيف بل متل دمي أنا لتقيل يالغالي

[Fadi]

مسّيناكم مسّونا ... وفنجان قهوة ضيفونا
وزيدوا فيها حب الهيل .... وكاسة مية شربونا

[الياس زاديكه]

أهلا وسهلا بالغالي ..... كاسة قهوة لفادي
والهل فيها زياده .... وميه من جوا الوادي

[Fadi]

شلونك ياجنرال ... شو أخبارك بعد زمااااااان ....

جاي آخدك معي مشوار .... تروح ؟؟؟

[Fadi]

الظاهر اليوم مانك فاضي ... بسيطة خيرا بغيرا ... والأيام جاي


بس راح عليك مشوار غير شكل ... خسارة ...

[الياس زاديكه]

شلونك ياجنرال ... شو أخبارك بعد زمااااااان ....
سلامتك ياإمبراطور ... أهلا فيك بكل وقت وكل زمان
جاي آخدك معي مشوار .... تروح ؟؟؟
طبعا راح أجي معك بس بدنا نروح على الباديه لأن هونيك الشعراء كتار

[الياس زاديكه]

الظاهر اليوم مانك فاضي ... بسيطة خيرا بغيرا ... والأيام جاي
صدق ياغالي الكومبيودر تبعي عم بتعلق لهل سبب عم أطفيها وأعلقها لحتى مايمشي الحال
بس راح عليك مشوار غير شكل ... خسارة ...
أرجوك لاتقول مشوار الباديه لأن شاعرنا المعروف بالخشبطات أكيد عم يستنانا بشان يسمعنا قصيده على إبتسام ياللي بسجل الزوار ..

[الياس زاديكه]

ياناس بهدلتنا وشرشحتنا
وحق الشاي ماضل عندنا
زورونا بس كل يوم مره
بشان نعلي عالقهوة رايتنا

[alashoria]

يي ليش في كمان فطور بالقهوة
اذا كان هيك ليش ما كتبت قطعة كبيرة لحتى يشوفوها الزبائن
ويجوا ليفطروا...

[الياس زاديكه]

إي طبعا موحود كل شي بالقهوة أستاذتي روحي صيحي لصديقاتكي لأبنة عمي جومانا وإبنة عمي سميرة وأختي جورجيت وزهرة دوار الشمس ولفريدة وتعالوا أنا راح أحضرلكن أحلى ماصة فطور ..

[joumana]

هاي انا جيت ولبيت الطلب لك يسلموووو ايدك يا الياس شو مذوق فطور ولالالالا للملوك ما حصل

أحب أصبح بهداوه
نهارك هادي بطراوه
بطعم العسل والحلاوة
صباح الخيـــر

[الياس زاديكه]

ياأهلا بحبيبة قلبي جومانا والأستاذة الآشورية في قهوة الشراويل ... وإنشاء الله يشرفونا التانيين كمان .
و لحتى مايشرفونا التانيين راح أعلق الشموع وأحضر الطاولة
أهلا وأهلا بطلتكن ياحلوات
كل يوم تعالوا بهل ميعاد
راح جيبلكم أحلى فطور
ولو حتى كان حليب لطيور

[georgette]

نهاركن معطر بريحة القهوة والشاي ههههه
يلا اجيت متاخرة على الفطور بس عالغدا موجودة
مرحبا

[Fadi]

مرحبا جماعة الخير

أينو أبو فرانس ... ؟ تي يرشرش مي قدا باب القحويه كونريد نقعد اليوم برا عالهويات

[الياس زاديكه]

أهلا وسهلا فيكي أختي جورجيت وميت السلامة وياميت وردة بالأمبراطور فادي بقهوة الشراويل ....
ماتواخدوني أنا اليوم عند أخوي فؤاد وعم نعمل شوي تفضلوا شاركونا ... لهل سبب اليوم أسلم مفاتيح القهوة لحبيبة قلبي وإبنة عمي جومانا وهي راح تنوب عني اليوم بالقهوة ... وأيش هي ماتقول ساري المفعول .... إلى اللقاء غدا ياأحبتي

[joumana]

اي تكرم عيونك يا ابن عمي الياس وهلا راح اشوف طلبات الحلوين

وهاي انا حضرت الاركيلة لاخ فادي والاخ عيد واهلا وسهلا فيكن في القهوة
جورجيت حبيبتي لا تواخذني الغدا راح واكلناه بس حبيت راح اعزمكي على احلى عشاء جبش وسيريكة

[الياس زاديكه]

أشكركي حبيبة قلبي وإبنة عمي الغالية جومانا على إستلامكي هذه المهمة ... ورجاءي منكي أن تنوبي اليوم كله عني حتى عودتي غذا إلى البيت ...إي والله شهيتنا على أريكله ياغاليه
تشكري حبيبة قلبي جومانا

[joumana]

مساء الخير يا جماعة وينكم والله اشتقنا لقعدة القهوة وشرب الاركيلة من ايدين الكرسون الياس الغالي يلا تعوا انا عازمتكم كلياتكن على ايس كريم

[الياس زاديكه]

إي أهلا وسهلا فيكي أبنة عمي جومانا في قهوة الشراويل وأهلا وسهلا بكل من يسمع صوتكي ويشرفنا على القهوة .. كما أشكركي على هذا الدعم بعزومتكي جميع الزبائن على أيس كريم ..
ياأهلا وسهلا فيكي ،، بس ليش طلعتي بدون ماتشربين شي ...؟؟؟

[Fadi]

مسا الخير للجميع ...

على سيرة الآيس الكريم اللي عزمتنا عليو الأخت جومانا مشكورة ...

أنا عندي طلب خاص أو اقتراح ومابعرف اذا إدارة القحويه تقدر تلبيو ... ؟

كل كم يوم فهالصيف .. هما كاجبتلكن قالب بوژ شي من معمل البوز وأبو نبيل تي يوصيلنا على ماكينة خرط ( من هاك الكان في منا قدام دكانة جدي المرحوم صليبا ) وخلي زباين القحوية يبوردولن ب?كايه ... أش تقلوا ... ؟