الامور ليست دائما كما نراها

[georgette]

الامور ليست دائما كما نراها
كان يا ما كان ، كان في ملاكين تعبوا وكان بدون يستريحو ،وصلو بيت جماعة غنية ومفرفشة ،دقو على الباب وانسمحلهن يدخلو بس اهل البيت من الكرم يا ساتر يارب من غير حرمة ولا ادب ،ولانو الملاكين ما انسمحلهن يدخلو لغرفة الاستقبال ،حطوهن بالقبو البارد، لمن اجو تايقعدو على الارض الباردة شاف واحد منهن انو الحايط فيو ثقب فقام صلح الثقب ،الملاك الصغير اتعجب وسال الكبير/ لشو دخيلك صلحت الثقب بعد هيك معاملة ما بيستاهلو/ رجع عليو الكبير / الامور ماهي متل ما بنشوفها /
باليوم التاني وصلو لبيت راعي فقير هو ومرتو ،وحسو بكرم النفس وبطيبة الاخلاق ،والقليل القليل من الاكل اقتسمو مع الملايكة ،ولمن اجى وقت النوم عطوهن فراشهن للنوم
طلعت الشمس وصاح الديك وملايكتنا فاقو بس الخبرية الي سمعوها زعلت الملاك الصغير ، شافو انو مرة الراعي عم تلطم على راسها وتبكي ،ماتت البقرة الوحيدة الي كانو يملكون عليها
جن جنون الملاك الصغير/ ليش هيك عملت ، بالبيت الاول جماعة متمردة وغنية ساعدتهن وهادول جماعة طيبين وفقرا ،ما بتساعدهن ليش هيك / رد عليو الكبير/ الامور ماهي متل ما بنشوفها لمن كنا عند الغني شفت بثقب الحايط انو من دهب ومنشان ما يعرف بالكنز سكرتو الثقب ، وليلة امبارح اجى ملاك الموت يطلب روح زوجة الراعي منشان هيك عطيتوه البقرة ، شفت يا اخي الامور ما هي متل ما نشوفها/
الحياة شي رائع خلونا نعيشها ونتمتع بكل لحظة منها يمكن تكون لحظتنا الاخيرة
وخدولكن هالملاك مني ، يمكن يكون في يوم من الايام ملاككن الحارس