حِلوة و عيونكْ حلوينْ شعر عامي: فؤاد زاديكه

[fouadzadieke]

حِلوة و عيونكْ حلوينْ



حِلوة و عيونكْ حلوينْ
و خدودك تفاح و تينْ
و القامة تسلملي بانْ
يحرسها ربّي م العينْ.


حاولتْ و حاولتْ كتيرْ
آخد من قلبك تغييرْ
حبّ و حنّيّة يا بنتْ
ما حصّلنا منّو زغيرْ.


يا ويلي منّكْ يا ويلْ
خلّيتيني بهمّ و ويلْ
لا صبحي تضحكلو شمسْ
و لا نجمي يطلع بالليلْ.


قلبكْ قاسي نيّالك
شي من قهري ما جالكْ
إنتي فرحانة بجنونْ
ما في شي يشغلْ بالكْ.


حِلوة و الخالق ربّي
و مقتولكْ صايرْ قلبي
شويّة رحمة بدّي بسْ
حاجة يتعتّرْ دربي.