رفعة العلم

[ازخ قلعة الصمود]

رفعة العلم

مصطفين بساحة الروضة
اطفال من كل الصفوف
واحد گايد ايد الثاني ..
نراوح والسگف مكشوف

لوحة تشبة الايام ...
أرقام على ورقة التقويم مطبوعة...
واحد مرتبط وي الثاني
باحداث واقدار مكتوبة

چنت بيها ذاك الطفل
وچانت الأيام مرجوحة ...
وياما وياما تمرجحت
بين حزن وفرح
يسر وعسر
باحاسيس ومشاعر مخلوطة

بشارع
هذا خطب ... وهذا تزوج
هلاهل ووجوه تضحك
بس الفرحة مكتومة
وبدربونة تلگه البيوت
معابد للالم
شيدتها الحروب
وجوه تعبانه من اللطم
هذا تأسر وهذا انفقد
وهذا من اللغم رجليه ما موجودة

وصوت الطلقات غاد
ذاك استشهد حتى يبقى الوطن
ومرته هستوهة بطفلة مرزوقة

وكبرنا ومابقينا اطفال
والابام بقت على الحايط
ببسمار مشدودة..

فرقنتا وبلاية عتاب
كلمن بدربه راح
واقداره على جتافة محمولة ...
مثل القوارب عايمين
ببحر مامعروف قراره
روچة تودي وروجة تجيب
وتروح وتجي المرجوحة

وتمرالاسابيع وتسرع السنين
والذكريات بالگلب محفورة

ماتنسي مهما جار الزمان
واقداره تصب بقربة مخرومة
مثل كهرمانة صارت
قصة نصر والاربعين سنة
بعد الروضة معروفة...........

.
.
.ليش كهرمانة ؟

لان العمر ينباگ بوگ .....(يسرق سرق )
وتضل تروح وتجي المرجوحة .

في اصطفاف يوم الخميس (رفعة العلم ) كان هناك 6 صفوف من الصف الأول إلى الصف السادس
كل صف لديه شعبتين (. أ .. ب )...وبالتالي يصبح العدد 12 تجمع أو 12 صف كل صف 30 طالب .....
وبالتالي قمت بتشبيه كل طالب بيوم من الشهر وكل صف بشهر و مجموع الصفوف بالسنة .....
وهو حقيقة انفرادة تشبيهية لانها بالفعل عند النظر إليها من الأعلى تشبة تقوم السنة

[fouadzadieke]

شكرا لكم صديقي و لمشاركتكم الكريمة أتمنى أن تكونو بألف خير