Arabic keyboard |
#2
|
||||
|
||||
لَمّنْ حَبّيتك شعر غنائي/ فؤاد زاديكى لمّنْ حبّيتكْ كِنتي بَعدكْ بَنّوتِه زغيرِهْ ولسّاتي بحبّكْ وِانتي صرتت ماشالله كبيرِهْ. *** عيونكْ أحلى ما فيكي سبحانو الخالق ألله رَحْ ضَلْني عَمْ داريكي وانت ِ عمْ تقسي والله! *** امبارح رِحتو عالنّبعة ونطرْتكْ ما شرّفتي رِفقاتك سِتّه سَبعة عمْ بيقولولي عرفتي! *** إنّي جايه كرمالكْ ضَحّكتي الكلّ عليّي لا جيتي ولا علبالكْ ولا قلتي هادا خطيّي! *** رِفقاتكْ راحو وضلّيتْ وبعدي عَمّالي بُنْطُرْ حتّى تأخرتو علبيتْ والدّنيي صارتْ تمطرْ *** تاني يوم تلاقينا بالصّدفه فالدكّاني عْمِلتي حالِك يا "نينا" متل المانك درياني. *** بِاللي امبارحْ سَوّيتي وعلْشيباتي هـَوّيتي حتّى انكرْتي حبّيتي بْرَمْتي حالِكْ فلّيتي. *** حاجِه تْحَرّكيلي شفافِكْ قلتيلي إنِّكْ درويشْ فَرجيني عَرض كتافِكْ عِندي مالِك خبز وعيشْ. *** تْرَكْتَا وقلبي هالمكسورْ رُوحي بْسِكّين انْضَرْبِتْ جُوّاتو صايرْ مَقهورْ وهيّي مِنْ حِبّو هِرْبِتْ! 3/11/2005 |
مواقع النشر (المفضلة) |
|
|