حدث فى صيف 2085

ملح الارض · #1 17-11-2007, 09:54 AM

اليكم الحياة في صيف عام 2085 .. يا خراااااااااابي !!!!
تعالوا معنا لنرى الحياة حسب مخ 2085 .. اقرا وتمتع ولا تنسى تحكيلك كلمتين. وبنتمنالكم تعيشوا للعام 2200 .. يلا صحتين.. شو صحتين ما صحتين.. اصلا لو عنجد هيك العالم بدو يصير.. تنقول الله يرحمنا من هسا.. يا خرااااااااااابي يا لهووووووووتي..

حفيدة في سن المراهقة (12 سنوات) تجلس مع جدتها (70 سنة) ويدور بينهما هذا الحوار:

الحفيدة : تاتا كيفك؟ .. الي زمان ما قعدتش معاكي..

الجدة : وهو أنا عارفة اشوفك .. شايفتيني قاعدة وزهقانة ومش لاقية حدا يسليني..

الحفيدة : طيب ليش ما تفتحي التلفزيون ؟

الجدة : التلفزيون صار يزهق , فش فيه غير 9700 محطة وبس..

الحفيدة : وإيه الحلاوة دي يا تاتا ؟ شو هاللبس الحلو هذا؟ بس هذا موضة قديمة يا تاتا..

الجدة : يا بنتي أنا ست دقة قديمة وبلبس زي ما تعودنا..

الحفيدة : أيوه بس مش حاسة إنك مخنوقة وانتي لابسة هذا اللبس؟

الجدة : أبداً هذا هو اللبس المحتشم الي مفروض الكل يلبسه ويحافظ عليه.. ماكسموم "جابونيه" وتنورة لعند الركبة يا ستي.. وماكسموم الظهر مبين..

الحفيدة : ولاو يا تاتا هاي تقاليدكم كانت دقة قديمة...

الجدة : وهو مفكرة انو ايامكم هاي ايام.. يا بنتي؟؟ اصلا ايامكم هاي ما يعلم فيها الا الله.. وين ايام الـ 2002 لما كانت البنت تسحب السيجارة من ورا ظهر ابوها.. كانت مؤدبة بشكل..

الحفيدة: معقول يا تاتا لهاي الدرجة كانت مؤدبة؟؟

الجدة : ولا شو انت مفكرة.. وبعدين كانت البنت وقتها ما تلبس هذا اللبس الخليع تبع هاليومين.. يعني التنورة ما كان طولها يزيد عن شبر وربع..

الحفيدة : يا الله ع ايام زمان.. شو اخرى تاتا.. احكيلي كمان..

الجدة : شو بدي اقولك يا ستي واقولك.. زمان كنا نسمع الطرب الاصيل لمطربين حقيقيين زي مصطفى قمر وعمرو ذياب وطبعا كانت سيدة الغناء نانسي عجرم.. وكانت الاغنية مدتها اكثر من دقيقتين... الله لا يعطيهم عافية مغنيين اليوم.. شو هاذذذذذ؟ يلا اقطع شرهم..

الحفيدة : وبعدين تاتا احكي كمان...

الجدة : وبعدين كنا نسمع الاغاني عن طريق ديسكات , وهي صحيح انقرضت بس كان الها طعم احلى من اليوم.. يا سلام لما كنا نحطها ونسمع كنا نطير من الفرحة... اخ عهديك الايام...

الحفيدة : يا الله تاتا شو بحب اسمع هاي الحكايات.. تاتا ستني شوي بدي اصحي صاحبي سمسم لانه نام عندي الليلة في الغرفة.. بدي اصحيه بنفسي لانه الرجل الالي الي بنبه خربان وبدي اصلحه اليوم لما يجي بابا..

الجدة : طيب يا حبيبتي روحي..

(بعد عدة دقائق)

الحفيدة: اه تاتا وبعدين..

الجدة : أحلى أيام بقت كانت أيام الدراسة ، الصف كان على أيامنا رايق وعدد التلاميذ فيه ما يزيدوش عن 40 تلميذ ، وكنا ساعتها بنعرف نفهم الدرس منيح , مش زي اليوم , وكانت الشوارع ايامها فاضية يعني ماكسموم 50 سيارة فيهن شباب بفتلوا للصبايا.. مش زي اليوم الولد الي عمره 3 سنين بفتل بسيارة ابوه لبنات الحضانة...

الحفيدة : يا الله تاتا.. كملي شو كمان..

الجدة : في ايامنا الله يرحمها.. لما البنت كانت تروح بعد الساعة 1:00 بالليل كان ابوها يزعل منها..

الحفيدة : ياي! هذا انتو كاينين متحفظين..

الجدة : يا بنتي إحنا اتربينا على الأخلاق والفضيلة.. والعادات والتقاليد . يعنى كانوا أهل الفن محتشمين جدا وكانوا دايما يطلعوا بالمايوه والبيكيني ان ازمت معهم.. يعني كثير محتشمين يا ستي.. والمذيعات كانوا يقعدوا جنب الضيف مش على ركبته زي اليوم .. الله يرحم ايام زمان.. ذكرتيني بايام زمان.. استغفر الله العظيم من ايامكم..

(تمسك الجدة تلفون خليوي بحجم علبة كبريت)

الحفيدة : مع مين بدك تحكي تاتا؟

الجدة : انا كونيت موصية اللحام على 2 كيلو لحمة.. ودفعتلو عربون 600 دولار وبدي اشوف اذا اللحمة وصلت ولا لع..

الحفيدة: (بتقوم من مكانها) تشاو سي يو تاتا..

الجدة : سي يو حبيبة تيتا...

وبعد مرور عدة ساعات انتابت الجدة خلالها غيبوبة بسبب الشيخوخة وفي المساء دار هذا الحوار بين الجدة والحفيدة

الجدة: وين باقية يا حبيبتي؟

الحفيدة : روحيت انا وسمسم نجيب الولد من الحضانة..

الجدة : ولد !! ولد إيش اللي جبتوه من الحضانة؟

الحفيدة : آه صحيح أنا نسيت أقول لك .. أصلي أنا جبت ولد من سمسم حبيب طفولتي..

الجدة: يا بنتي لليش هالعجلة.. مش تستنو لما تتجوزوا ؟

الحفيدة : يا سلام عليكي يا تاتا .. إنتي عليك خراريف..غريبة..

الجدة : مشكلتي إني بعرفش أزعل منك انتي يا روح تاتا..عكروتة .. طيب بس شو سميتوا المحروس

الحفيدة : سميناه "دوت كوم"

الجدة : نعم .. دوت كوم؟ شو يعني كمبيوتر؟ يعني لما تعوزيه بتضغطي انتر ولا شو القصة بالزبط؟

الحفيدة : ها ها ها ها .. شو خفة هالدم هاي يا تاتا .. والله فكرة .. لما أعوز أنده له بطق على زر الانتر .. ولما أحب أقول له روح على غرفتك اضغط ( الت واف 4)

الجدة: وأخذتوه من الحضانة طيب بس وين وديتوه ؟

الحفيدة : وديناه على نادي رياضة مضغ العلك..

الجدة : يلا مليح خليه يصير زلمة ويتعرف على صحاب جداد ويبني شخصيته..

الحفيدة : تاتا افتحلك التلفزيون ع الاخبار؟

الجدة : يلا ماشي كلامك .. خلينا نشوف اخبار هالعالم...

المذيعة : هاي شلة ! إليكم عناوين الأخبار

- زفاف المطربة صباح على حفيد الفنان الراحل راغب علامة

- خوخا المريخي سيقوم باحياء حفل على الارض

- ابن الفنان الراحل محمد هنيدي يهاجم نجوم الكوميديا الجدد..

المذيعة : تنهي نشرة الاخبار وتقول " كلموني ع موبيالي" باي..

الجدة: لا هيك زادت الامور.. خلص مش قادرة اتحمل...

(يغمى عليها ثم تموت)

الحفيدة : تاتا تاتا.. شو جاي تموتي جنبي .. وانا فاضية لهشغايل هسا.. (الووو سمسم) ...

سمسم : ايوا سمسم.. شو مالك ؟

الحفيدة : تاتا ماتت شو اعمل ؟

سمسم : ترميهاش .. استني بجوز اطعمها للكلب..

الحفيدة : طيب يلا تعال بسرعة.. لاني بدي اروح اصبغ رموشي احمر..

اتمنى ان تنال اعجابكم
منقوووووووووووووووووووووووول
ماجد

fouadzadieke · #2 17-11-2007, 06:01 PM

اقتباس:

الجدة : يا بنتي إحنا اتربينا على الأخلاق والفضيلة.. والعادات والتقاليد . يعنى كانوا أهل الفن محتشمين جدا وكانوا دايما يطلعوا بالمايوه والبيكيني ان ازمت معهم.. يعني كثير محتشمين يا ستي.. والمذيعات كانوا يقعدوا جنب الضيف مش على ركبته زي اليوم .. الله يرحم ايام زمان.. ذكرتيني بايام زمان.. استغفر الله العظيم من ايامكم..

تشكر أخي ماجد فعلا:

حاجة غريبة حاجة غريبة

ماتت تاتا بفيديو كليبة

حاجة غريبة فيها عجيبة

لما تيجي تبقى مصيبة!

SamiraZadieke · #3 17-11-2007, 06:11 PM

الجدة : يا بنتي إحنا اتربينا على الأخلاق والفضيلة.. والعادات والتقاليد . يعنى كانوا أهل الفن محتشمين جدا وكانوا دايما يطلعوا بالمايوه والبيكيني ان ازمت معهم.. يعني كثير محتشمين يا ستي.. والمذيعات كانوا يقعدوا جنب الضيف مش على ركبته زي اليوم .. الله يرحم ايام زمان.. ذكرتيني بايام زمان.. استغفر الله العظيم من ايامكم..
يارب لانعيش لهداك الزمان يا أخ ملح الأرض
تشكر لهذا الموضوع المشوق وشكرا لروحك الحلوة

ملح الارض · #4 17-11-2007, 10:57 PM

الغالي فؤاد
الغالية سميرة
هل بجد ممكن يأتي الزمن ده ؟؟؟
بجد تبقى الامور كده صعبة جدا من كل النواحي
الحفيدة ليس عندها لا مبالاة بموت جدتها , هل للدرجة دي ممكن تنعدم الاخلاق ؟
اطمني يا سميرة مش هعيش للزمن ده لأنه بعيييييييد
وربنا فعلا ميحطناش فى تجارب من هذا النوع
الشكر لكما على مروركما الجميل وشكرا استاذى على تعليقاتك الشعرية الرقيقة .
ماجد

georgette · #5 20-11-2007, 12:04 AM

اي اي اجى هالزمن وداسنا بدواليبه كمان
قصة من واقعنا الحالي اخي الغالي ماجد وقول الله يستر من الجاي
مشكور للطرفة الحلوة ولمواضيع المتنوعة