قمر الزمان وبديع الزمان

[الياس زاديكه]

أحبائي حبيباتي اليوم بحكيلكن
قصة حلوة لا تشوفها عيونكن
يحكى عن قرية فيها بستان
حارسه أسمه بديع الزمان

يطلع يحكي للناس بكل مكان
عن وحشة تاكل الصبايا والشبان
صدقه الكل وحتى الخلان
فات زمان او أجا زمان

شاف صاحبنا بديع الزمان
صبية حلوة إسمها قمر الزمان

ناداها وين رايحا يا صبية
مش سامعه أخبار هالبريه
عن وحشة تاكل الصبايا بشهية
وإنتي لحالك بهل مسويه

تعالي نامي هون هالمسويه
وبعدها روحي بالصبحيه

خافت من الوحشة قمر الزمان
وطمأنت للحقير بديع الزمان
جهز العشا ومعه صحن رمان
دس فيه مخدر بشان الصبية تنام

أكلت وشبعت ونامت بأمان
فاقت الصبح شو براسا صار
شافت تيابها مرمية بكل مكان
وهي عريانه وبدون محال

صارت تصرخ يا بديع الزمان
ماعاد اقدر افتخر امام العرسان
يالي كنت أرفع راسي به زمان
أريد أصير زوجتك طول الأيام


إختفى يالي إسمه بديع الزمان
ترك القرية والصبية والبستان
ضلت تبكي وتصرخ قمر الزمان
مافيش حدا بيرجع غير الحيطان

إجاها صوت عجوزة من الوديان
صارخة ليه تبكي يا قمر الزمان
إستغربت الصبية قمر الزمان
أو قالت تاأحكي بس أعطيني الأمان

قصت قصتها مع بديع الزمان
عالي جرا من الخائن بديع الزمان
ضحكت العجوزة وقالت أنا مش إنسان
انا الوحشة يالي بيحكي عنها بديع الزمان

انتي السبب في الي جرا او صار
صدقتي كلام معسول ملهوش اعتبار
أنا جنية صادقة مش إنسان
راح رجعك أحسن من أيام زمان

أقسمي ماراح تجي هالمكان
ولا توثقي بكلام اي أنسان
لأن الغدر والخيانة بهل زمان
نابعة من الإنسان لأخيه الإنسان

هل فهمت القصد من القصة أخي الإنسان ؟
إذا مافهمت قصدي ، معناها مانكش إنسان

ألياس زاديكه