لحفيدتي ليليان شعر: فؤاد زاديكه

[fouadzadieke]

لحفيدتي ليليان

شعر: فؤاد زاديكه

بهالطلّة ما أبهاكي

الله يخلّيلي ياكي

بلون عيونك أحلى بحرْ

و نور الشّمس اتمنّاكي

إنتي جنّة أحلامي

و فرحة عمري و أيّامي

يا بنتي الحلوة يا روحي

علصدري ارتاحي و نامي

ربّ الخالق سوّاكي

و أجمل صورة أعطاكي

ما كِنّا فرِحنا بهاليوم

و ما غنّينا لولاكي.

أفتح بابي و شبّاكي

و مِنْ قلبي بَترجّاكي

تزورينا بنتي كلْ يوم

جِدّك عم يستنّاكي

و الميمة متلي و أكترْ

و خُوالِكْ أكترْ و اكتَرْ

مِنْ بوسة وجّك نسكرْ

كِلْ بوسة مِتل السّكرْ.

ماما و بابا حبّوكي

و عَلهدنّية جابوكي

تِعبوا كتير كتير كتيرْ

و هِنّنْ عم بيربّوكي.

ضِحكة وجّك شمس و نورْ

و مِن عينيكي الطيب يفورْ

يا ربّي تِحفظْ (ليليان)

و تخلّي الأفراح اتدورْ.

ألمانيا 26|10|2015