يا ظالِم شعر أزخيني الشاعر فؤاد زاديكى إظْرِبْ، إظْرِبْ إيلَا تِژْبَعْ ... أشْقَدْ

[fouadzadieke]

يا ظالِم

شعر أزخيني

الشاعر فؤاد زاديكى

إظْرِبْ، إظْرِبْ إيلَا تِژْبَعْ ... أشْقَدْ تِظْرِبْ، ما رَحْ نِرْكَعْ
أللهْ وَحْدُو يِعْرِفْ، فِينَا ... عِزِّتْ نَفسْ، و عَمْ نِتْوَجَّعْ
مُو مِنْ ظَرْبَاتِكْ يا ظالِمْ ... مِنْ عَهد الظِّلم اِلّلمْقَلْفَعْ
ما عِنْدِكْ مِ الإنسانِيِّهْ ... شِي، تِهْ أللهْ جِنْسِكْ يِقْلَعْ
و يِبِيدُو كِلُّو مِ الدِّنْيِهْ ... تِيجِي يَومْ و عَيْنِكْ تِدمَعْ
عَلإيِّيمِكْ هايِهْ السَّودَا ... بَلْكِي إيلَا عَقْلِكْ تِرْجَعْ
يَومْ بْيَومْ، الدِّنْيِهْ تِمْشِي ... نِعرِفْ مِنْ أشْ بِزّْ كُو تِرْظَعْ
يا ظالِمْ ظِلْمِكْ مُو يِبْقَى ... مِنْ قَبْلِكْ أبلِيسْ اتْقَلَّعْ
مِ الجَنِّهْ، لا تِعْمَلْ مِتْلُو ... عَلَّيْتُولِكْ صَوتِي. إسْمَعْ!
المانيا في ٣٠ أيار ٢٤