دلعونة

[fouadzadieke]

على دلعونا وعلى دلعونا ... ما بنقدر نبقى وحياة عيونا
من غير الحلوة وتدليع جفونا ... ولما نعاكسها تبدا في جنونا!

[georgette]

لا تشوفي حالك بيضا وخياطة ......سعر البانات بسعر الباطاطا
بدي اتجوز ما معي فراطة ..... عندي تنجرة واربع صحونا

[athro]

خالفتي القاعده وكتبتي بيتين بدل واحد
وراح احكي مع قاضينا الياس لنشوف شو راح يقرر

امي يا أمي حابيبي وينو...............سكر البحر ما بيني وبينو

[joumana]

دلعونا دلعن ليش دلعديني*** وعرفتيني مزواج ليش أخديني

[fouadzadieke]

شفناها جايي قلنا كرمالا ... ما عم تتطلّع ملبوكة بحالا
علقد الفينا دغري رحنالا ... سكّرت بابا وزعّلت حالا.

[georgette]

لاء لاء لاء اعتراااااض هاد كلو مع بعضو بيكون بيت بس من سطرين لازم يتكمل والا مالو معنى شو رائيك
دخيلو ربك داخيلو دينك ..... شو عملنا ماعك تمجنينيك
تسلملي برمة شدة ألشينيك.... يا ام الكاشاكش عالبنطالونا
شكري ومحبتي لكل من شارك

[athro]

الياس هو يلي راح يقرر

وراح كفي البيت التاني وقول
كانو متدين لوفيلو داينو.................تو مليون دولار ما بهمونا

[georgette]

طيب يا سيد اثرو لك ما تريد والله على القوي هههههه
على دلعونة على دلعونة .... يا جنس ادم ليش الحقتونا

[fouadzadieke]

دخيلو الله دخيلو ربّا ... لو خلّت إيدي تعبر لاعبّا
حلوة ودلّوعة مش رايح سبّا ... لو شو ما سوّت وحياتا بحبّا.

[georgette]

دلعونا دلعن يا دلعونية ... غمزات عيونك شو عملو فيي
قالو لخدودك وردة جورية... شماتو العدى ياما داوونا