أدخل وأكتب خاطرة أم همسة !!!

[الياس زاديكه]

حاول تحلم أو تتخيل
ان أنا وانت فى وسط ميدان
بجرى عليك وفـ حضنى أديلك كل حنانى
كل غناوى وعشق زمان
دقق أكتر .... وارسم صورتك
أبيض واسود مش ألوان
وأما هتيجى فى يوم ترسمنى
ارسم روح حزنانة فـ بعدك
قلب بيبكى وصار دبلان
وأما هقرب وألمس ايدك
اياك تبعد........... 0
لأحسن صورتك مش هتبان
وأما هحسس يوم على قلبك
والقى سجايرك لسة مكانها
حتى الكبريت الهلكان
همسك واحدة وهولعها
تعرف ان سجارتك يمكن
حد يشوفها نار.... دخان"
أنا شايفاها شىء بيقرب بينى وبينك
صوت أنفاسك لسة ببيجرى جوة حشايا
يمكن أحس فى يوم بأمان
وهتتأمل عينى فى قربك
يمكن تزعل أو تتعاتب
انتى يدوب بنوتة جميلة وزى الحلم
ليه أنفاسك تبقى سجاير
ليه أنا شايف جوة فــ عينك
حلم بيغرق فى الأشجان
هتبسملك وأمسك ايدك
وهمشيها جوة فـ قلبى
حاسس بالتجاعيد جوايا ....0
حاسس نفسك جوة فــ قلبى....0
ماسك كل خيوط أيامى ..0
قلب بيعشق فى الأحزان
وهتتبسم زى العادة............. 0
" ياه على قلبك لسة بيرغى"
هلحق قبل ما يوم تنطقها
" أو يتفلسف قبل أوان "
عارفة ساعتها راح تحضنى ..0
وأما هتيجى تبوسنى فى خدى
يومها هقولك " اصبر بس ...0
لسة مشاعر جوة فى قلبى
عاوزة أنطقها وأقولها كلام
وأما هتزعل منى أنا هبكى ..0
وهبوس إيدك
انت عارفنى ان أنا رغاية... بس بحبك
ما تبوظش الحلم بلقطة
لما هشوفها انا هكره نفسى
ان أنا يوم زعلتك منى
أو ضيعت أنا لحظة فــ قربك مـ الأيام
وأما هفوق على صوت المترو وأنا جواه
هفضل أنادى ... أنادى فى حلمك
مش لاقــيــاه
هسأل نفسى .. أنا توهته؟! 0
ولا ده حلم من الأوهام
وأما هتيجى محطة حزينة... فى يوم قابلتنا
صورتى وصورتك لسة ببيحبوا على الجدران
بلمح دمعة حزينة فى عينى
وانت تقولى االمترو أهو جه .. يالا هنركب
"يعنى خلاص هتقولى سلام"
وأما هفوق على صوت المطرة
هسأل نفسى .... 0
مش كان لسة زمانه معايا وبيدفينى
هصبر وأدعى
بس يارب يكون متدفى ومش بردان