|
Arabic keyboard |
|
#1
17-09-2006, 01:39 PM
|
||||
|
||||
إشـــاعة حمــاتي
إشـــاعة حمــاتي
سيداتى آنساتى سادتى... بعد التحية, والسلامات الحبية حدثنا نحنحة إبن ابى تحتحة, و هو شخص سقيل لا ينقع معه زحزحة عن مغامراته و جولاته, فى الغتاتة و إشتغالاته أنه فى يوم شعر بالملل, فقال طب يالا فى الناس اشتغل وبالفعل ذهب لصديقه و قاله البقية فى حياتك, ابسط يا عم ربنا افتكر حماتك فطار صديقه من الفرح, لان حماته كانت ولا الشبح... و قال اخيرا هعيش حياتى, من غير غلاسة حماتى و راح لكل حبايبه و اصحابه, و كل معارفه و انسابه يقولهم على أحلى خبر, حماتى ماتت يا بشر و مشي فى الشارع مبسوط على الآخر, شايف نفسه و بيتفاخر و بيقول يا أرض إنهدي, ما عليكى قدي و في وسط ما هو مسلطن و مبسوط , و فى ايده مجلة ميكى و بطوط و إذ بالمقشة تنزل على راسه, و ايد قوية تحبس انفاسه و عينك ما تشوف إلا النور, و ودنك تسمع صوت عضم مكسور... وشه حمر, و قفاه زمر, و جسمه اتدمر... و من غير ما يبص عرف مين الى ضرب, هو فى غيرها معلماه الأدب؟ و ملحقش ينطق ولا كلمة, اصله لقى الدنيا فجاة بقت ضلمة وعرف أنه أخد بالبونية, من حماتة الغاليه القوية و سمع صوتها الى بيسمعه كل يوم, او قول بيصحيه على طول من النوم بتقول بقى انا اموت يا بعيد قبلك؟؟؟ ده بعد يا حبيبى بعدك و بعد ما إتضرب و اتبهدل, و قرب جسمه من الضرب يتحلل لقى الفرصة انه يفتن على صاحبنا, اللى قاله يا بختك حماتك ماتت يا حبيبنا و مفيش دقيقتين كانت حماته وصلت لبيت صاحبنا ......... نأسف أصدقائى, فبعد وصولها بدقائق نقل صاحبنا نحنحة إلى المستشفى فى حالة ميئوس منها فلم يكمل لنا القصة, و توفى متأثرا بجراحه تاركا لكم هذه الوصية من حفر حفرة لأخيه وقع فيها
__________________
بشيم آبو و آبرو روحو حايو قاديشو حا دالوهو شاريرو آمين im Namen des Vaters und des Sohnes und des Heiligengeistes amen بسم الآب والأبن والروح القدس إله واحد آمين
|
|
#2
17-09-2006, 02:01 PM
|
||||
|
||||
|
رحم الله نحنحة ابن تحتحة على موته بهذه الشحشحة ورقوده تحت الأرض بهذه البحبحة وكل الشكر لك على هذه الشرشحة التي جئت بها لهذا الكحكحة!
|
 |
| مواقع النشر (المفضلة) |
|
|
العرض العادي
