إنْتي الحُبّ فؤاد زاديكي كِرْمالْ عيُونِكْ يا حُبّْ يَلِّي سَاكِنْ جُوَّا القَلبْ ل

[fouadzadieke]

إنْتي الحُبّ

فؤاد زاديكي

كِرْمالْ عيُونِكْ يا حُبّْ
يَلِّي سَاكِنْ جُوَّا القَلبْ
لو شُو ما صار بهالكونْ
مِنْشانِكْ ماشِي بالدَّربْ

***
غيرِكْ ما عَمْ يِحلَالِي
ولا في غيرِكْ عَلْبَالِي
ساحِرْني بحر اللعيُونْ
إنتي فَرحِةْ آمالِي

***
غيرِك مِينْ بيفْهَمني؟
وعن أحزاني يِبْعِدنِي؟
صَدقِيني بحِبّكْ مَجنُونْ
ضِحكِةْ عينِكْ تِسْعِدْنِي

***
يا غِنوِةْ حُبّي وعزْفِي
يا طلِّةْ بَهجِةْ حرفِي
لو خابتْ بالحالْ ظنُونْ
حِنِّيِةْ حِضْنِكْ تِكْفِي

****