قصة عازف المزمار

[georgette]

قصة عازف المزمار
كان يا ما كان في قديم الزمان كان في مملكة كبيرة ومفسودة ،الكذب والسرقة والشتم كانو برنامج يومي بكل بيت، ما تشوفو الا الاب ضربو لابنو والبنت سبسبت بامها والاخ يسرق اخوه والجار يسرق جارو والتجار يحيلو على زبوناتهن ،وهيك عم يفوتو ايامهن وعم يعيشون ما حاسين لا بحرمة ولا قدرة رب
لبين ما قال الرب *انا بدي افرجيكن *وهيك بعتلون على هالمملكة وباء الفئران ونزل فيهم حشد كبير كبير منهن ،وين ما يمشو ،شو ما يفتحو ،بالسرير، بالمطبخ،وووو كل البيوت اتعبت والفاروالجرادين بقو ياكلو حتى شعر راسهن ،وهيك على هالحالة لبين ما سمع الملك انو في واحد يعزف على مزمارو وبس هوي فيو ايخلصهن ،امر انو ايجيبوه لعندو، اجا عازف المزمار وعرف شو بدو الملك من شان هيك سالو* اي وشو بطلعلي اذا خلصتكن من هالوباء* الملك وعدو انو يعطيو تلات اكياس دهب ،ومن شان هيك اخد عازف المزار وبلش يعزف علىمزمارو وشوفو شو صار اتجمعت كل الفئران خلف منو وبلشو ايمشو وراه لمن طالعهن لخارج المدينة هو يمشي ويعزف وهن يمشو وراه،وصل لمكان بعيد وحبسهن هونيك منشان ما يهربو ورجع على المملكة يطلب دينو وشو تتصورو من هيك مملكة وهيك ملك ها؟ اي بلشو يتضحكو منو واشرو عليو باصبعن *شو انت مجنون انت تنعطيك تلات اكياس دهب* عازف المزماز فكر شوي وقالهن *طيب يا جهلا انا بدي اداويكن* اخد مزمارو وبلش يعزف عليه،شو برائيكم هالمرة صار؟ احزرو شو صار؟ طيب تاقولكن شو صار ،وهو عم يعزف بلش يمشي للباب وهالق اسمعو شوصار، صارو كل اولاد المملكة يمشون وراه حتى الي عم يحبون وهو يمشي والاطفال وراه ،طلع لبرا المملكة واخد معاه كل الاولاد ،لمن اهل المملكة شافو الي صار بلشو يترجوه ايرجع اولادهن وهن تيعطوه شو ما بدو ،بس عازف المزمار قالن* الي بيكذب ويسرق ويسبسب ويضرب ما هو خرج تيكون قدوة لاولاد صغار وبريئين بالاخير تيصيرو متلكن غير كذب وسرقة ما يجي منن ومن شان هيك بدي اخدون انا واعيشهن عندي تايتعلمو التربية المنيحة ويتعلمو على الشغل * هون شعرو اهل المملكة بذنون وعدوه اذا رجع اولادهن تايحسنو من حالهن ويبلشو ايربو ولادهن تربية مليحة * عازف المزمار قالهن* وانا بدي اجي من وقت لوقت تاشوف كيف صاير حال المملكة * بس اهل الضيعة قررو انو من تحت راسو لهل الملك وصلو لهل حد منشان هيك شافو انو عازف المزار هو الملك الافضل وعملوه ملك على مملكتن ومن هديك الوقت صارت هالمملكة مملكة كبيرة عاملة وبطلت السرقة وبطل الغش وعاشو متهنيين مع اولادهن ومع هالملك العادل ،واذا ما ماتو لسلتن عايشين،،توتة توتة خلصت هالحدوتة
شو الي فهمناه اليوم يا حبايبي
1* السرقة والكذب والسب ماهني من رضا ربنا
2* الوعد لازم نوفيو والا هيك ما منيح
3* العمل الصادق وبعرق الجبين احسن كتير من السرقة
والى اللقاء بقصة جديدة،،
جورجيت

[georgette]

أختي جورجيت: قصة تنطبق على واقع كثير من البلدان حاليا ياليت يأتي لكل بلد عازف مزمار ليخلص شعبها من التهلكة.رائعة هي قصصك وألف تحية من مرت أخوك.
سميرة