قصة القط ابو جزمة

[georgette]

قصة القط ابو جزمة
كان يا ماكان ،كان في طحان وعندو تلات اولاد ،حس انو نهايتو قربت منشان هيك جاب اولادو وقالن* اسمعو يا ولادي اقول نهايتي قربت،ومنشان هيك بدي اقسم عليكن الي عندي عليكن ،الكبير ياخد الطاحونة ،الوسط ياخد الحمار، والصغير يبقى له القط ،حالتي فقيرة وما عندي اكتر من هيك* فات كم يوم ومات ابوهن وقسمو القسمة متل ماراد الابو
الكبير بلش يشغل الطاحونة والوسط ينقل الطحين للبيوت بس الصغير ما فيو يساعد بشي منشان هيك طلعوه من البيت، طلع وهو حزين كتير ،قعد تحت شجرة وبلش يلعن حظو ويلعن قسمة ابوه ،سمع صوت عم يسالو* يا عنتر ليش كل هالقد يائس* برم راسو بس ما شاف حدى ،فكر حالو انو اتهيئلو، بس مافات كتير سمع الصوت من تاني* يا عنتر شو فيك ما بتسمعني* هاد اتطلع ماشاف حدى غير القط، هز راسو وقال* والله العظيم اذا ما كنت انتقط كنت تاقول انت عم تحكيني* ضحك القط وقالو* الحمد لله هالق عرفت فيني* عنتر انهبط وراد يهرب لبين ما لحق فيو القط وقالو*لا تخاف يا عنتر ،ابوك عرف ليش عطاني الك ،لانو كان عارف انت اكتر واحد محتاجلي ،بس اذا بدك اساعدك لازم اتجيبلي جزمة طويلة وعباية* عنتر متل المسطول عم يتطلع فالقط بس قال لنفسو *ليش بدي اخسر اكتر ما انا خسران، منشان هيك دبرلو للقط طلباتو ،،لمن القط لبس الجزمة والعباية بلش يمشي على قدمين وقال لعنتر* اليوم المسى تنتعشى حمام* عنتر ضحك على مزحة القط وكمل طريقو
فاتت الايام وكل يوم يروح هالقط ويصتاد جيج وحمام ،يتغدو ويتعشو ،في يوم من ايام الله شاف عنتر عربة الملك عم تدور بالحقول وشاف لجنبو الاميرة واتعلق قلبو كتير فيها واتمنى لو قدر كلمها ،هاد القط حس بفكر عنتر، وقالو* شوف يا عنتر من هالق لشهر بدى تكون الاميرة زجتك* عنتر ضحك مرة تانية من القط
القط عرف بانو الملك يحب الديك الرومي بكل اشكالو منشان هيك راح اصتاد تلات ديوك رومية كل واحد واتخن من التاني وجابن لعند الملك ،لمن الملك شافهن انفتحو عيونو ورقص قلبو بصدرو من الفرحة ،القط حس بهالشي ومنشان هيك قالو للملك* يا ملك هادولي هدية لحضرتك من اميري عنتر وهو يسالك اذا حبيت انت والاميرة تتفضلو لعندو عالقصر تينبسط كتير* هاد الملك ما فكر ولا دقيقة واكدلو للقط بدون يكون بعد سبة عندون،،، لمن اجا القط وحكى لعنتر شي الي صار، بلش عنتر يضرب على راسو* ولك شو عملت انت الملك بدو يقطع راسي وراسك كمان على هالكذبة* القط قالو*انت ما عليك خلي القصة برقبتي وانت اتفرج*
القط كان عم يسمع من كتيرين انو في ساحر عم يعذب اهل القرى ويتهجم على محصولن ،منشان هيك شاف فرصتو هونك وبلش يخطط ،،اجا لعند اهل الحقول وقال لهن* انا فيني خلصكن من الساحر وشرو بس عندي طلب صغير، اذا اجا الملك السبة الجاية وسالكن لمين هالحقول تقولو لامير عنتر* هدول وافقو ،هالق اجا دور الساحر ،دخل القط على القصر اي شو قصر كبير ،فرح كتير لانو تايعجب الملك بحق ،وهوي عم يفكر سمع صوت بشع متل صوت البرق* عم شم ريحة غريبة بقصري مين انت وشو عامل هون* هاد القط رجفو رجليه من خوفتو بس جرب انو ما يبين خوفو منشان هيك قالو للساحر* انا القط ابو جزمة ،سمعتو كتير على اعمالك وسحرك وحبيتو اجي واشوف بعيوني قوتك وهارتك* هاد الساحر بلش يكبر راسو وينفخ صدرو وقالو* شوف يا قط واتعجب* وحول نفسو لتنين كبير وبلش يرش نار من تمو هاد القط رجع عليو* اي شفت انو فيك تكبر نفسك كل هالقد بس فيك تصغر نفسك كمان لفأرة* الساحر ضحك من القط وقالو* انا فيني اتحول حتي لنملة* القط قال *اذا ما اشوف بعيني ما بصدق طيب حول حالك لفأرة* وشوفو حول الساحر حالو لفأرة ويا احبائيشو تتصورون رح يعمل القط،؟ يلا فكرو شوي!!!! طبعا ،انقض على الفأرة واكلها وهيك اتخلصو اهل الضيعة من شر الساحر وصار لعنتر قصر كبير تحت امرو
فاتت السبة والقط جهز القصر ورتبو وامر بتحضير ديك رومي للملك، لمن اجا الملك عالقصر بطريقو شاف الشغيلة عم تحصد وتزرع بساتين وحقول كبيرة وكل ما يسال حدى لمين هالاراضي يقولو لامير عنتر، وصل الملك على القصر واتعجب كتير هاد قصر اكبر من قصرو ،واتاكد انو ما حدى رح يعيش بنتو الاميرة اريح من امير عنتر منشان هيك عملو عرس تلات ايام وتلات ليالي وعاشو بحب ورفاهية واذا ما ماتو لساتن عايشين وتوتة توتة ،،لأ لأ استنو وشو صار من القط ابو جزمة؟ فكر انو عنتر ما عاد بحاجة الو من شان هيك طلب منو خاطر وراح يدور على محتاجين تانيين !انتبهو ها يمكن تكونو اليوم فتن عليو وما عرفتن فيو ، وهالق خلصت الحدوتة
والي فهمناه اليوم
1* الصديق المنيح احسن من الف اخو ما منيح
2* بالذكى والحكنة بنوصل لهدفنا
3* الشر رح يلاقي بيوم مصيرو
جورجيت

[georgette]

مرت اخوي العزيزة وحبيب قلبي الياس
متشكرة كتير على مدحكن لهل قصة واتمنى انو الامم والاباء يتفضلو ويقرو هن لاولادن ويعطونا وصف عن رائيهن
تسلمولي على هالتشجيع والله يخليكن الي يا رب
اختكن جورجيت



--------------------------------------------------------------------------------
أختي جورجيت :فعلا متل ماقال ألياس قصة حلوة كتير وياريت كان يجي هادا القط لعنا كمان بلكي كان يحققلنا أحلامنا
سميرة



--------------------------------------------------------------------------------
أختي جورجيت .
يعطيكي العافيي على هالقصة الحلوي متلكي .
أخوكي ألياس