قصة Schnee wittchen //باربرة

[georgette]

قصة Schnee wittchen //باربرة
في يوم من الايام كانت الملكة قاعدة بالشباك عم تنقش ،كانت حاملة وهي عم تنقش دخلت الابرة بايدها ونزفت اصبعها ،اتطلعت بالدم الي نزل على التلج بالشباك وعجبتها الالوان الي انمزجت بعضها ،اتمنت بينها وبين حالها انو يصرلها بنت شعرها اسود متل خشب الشباك وج بيضا متل التلج وتم احمر متل الدم ،فاتت الايام وقرب مجي الطفل ،صارت بنت ولا القمر وكل الصفات الي اتمنتها الملكة عطاهن الرب لهالطفلة ومنشن هيك سموها Schnee wittchen شهوة تلج ونحن تنسميها//باربرة// بس الملكة ارتحمت قبل ما تشوفها لاميرتها الصغيرة ،وهيك كبرت/ باربرة / ولانها كتير حبابة وتساعد كل واحد محتاج كانو يحبوها صغار وكبار،،
في يوم اجى الملك وقال لباربرة * باربرة اتصور انو انت تتنبسطي الي اذا اتزوجو تاني مرة بعد ما ماتت امك في شي ناقص بحياتي* هاي باربرة فرحت كتير ،اي ليش لا تاتجيني ام جديدة وتاتصير متل رفيقتي، عملو عرس واجت الملكة الجديدة عالقصر بس بعد وقت قصير حست باربرة انو في شي بهالملكة ماوي طبيعي!!!
الملكة كانت سحارة شرانية وبتفكر ما في حدى احلى منها منشان هيك اتقوم كل يوم وتسال المري السحرية **مري، مري بالحايط، مين احلى وحدة بالمملكة** المري ترجع عليها *مافي حدا احلى منك* بس هالمرة اتبدلت الامور ولمن دخلت على غرفتها وسالتها للمري** مري مري بالحايط مين احلى مني بكل المملكة** رجعت عليها المري**ما حدى احلى منك بس باربرة بنت الملك** شو تتصورو عملت هالساحرة غضبت وصرخت ،وطلبت تايجي الصياد واجى الصياد ، قالتلو **شوف يا صياد بدي ياك تاخد باربرة للغابة تقتلها واتجيبلي قلبها **هاد الصياد كتير حزين كيف بدو يقتل باربرة الحلوة الحبابة ،بس يا بدو يعمل ، ويا يموت ،،اخدها لباربرة على الغابة ولمن سحب خنجرو ما قدرو ايديو يعملوها قالها**يا باربرة الملكة شريرة كتير وبدها تتخلص منك روحي بالجبل هونيك تتلقي بالسبع اقزام هونيك ما رح تشوفكي هالشريرة** باربرة شكرتو للصياد وراحت اتدور على بيتها الجديد بين الاقزام والشي الي حزنها كتير انو ما عاد فيها اتشوف ابوها بعد اليوم ،،وشو عمل الصياد ،صاد خنزير واخد قلبو وعطاه للساحرة وقالها**خدي هاد هو قلبها لباربرة**
وصلت باربرة للجبل شافت بيت صغير فتحت الباب بس ما شافت حدى ،ولانها كانت كتير جوعانة وتعبانة اكلت وشربت الشي الي كان عالطاولة واتشطحت نامت
اجو السبع اقزام وانهبطو لمن شافو انو لا اكل ولا شرب على الطاولة
الاول قال** مين اكل بمعلقتي**
التاني قال** مين اكل بشوكتي**
التالت** مين شرب بقدحي**
الرابع** مين قعد على كرسيي**
الخامس** مين قطع بسكينتي**
السادس والسابع قالو**ومينو نايم بتخوتنا**
اتطلعو بهالنايمة شو حلوة وفجاة فتحت عيونها وقامت هالاقزام خافو وبلشو يخبو حالون ،قالتلن **لا تخافو انا اسمي باربرة والملكة بدها تتخلص مني ومنشان هيك اجيتو لعندكون لاخبي حالي ،وبالمقابل بدي انضفلكن واغسللكن واطبخلكن شو رائيكن** وافقو الاقزام وهيك عاشت باربرة مع الاقزام لمدة وهي كتير مبسوطة والاقزام بلشو يحبوها كتير ، لبين ما الساحرة اجى لبالها مرة تانية تسال المري ،،
**مري ، مري بالحايط مين احلى وحدة بالمملكة** المري رجعت عليها**ما حدى احلى منك بس باربرة الي عايشة بالجبل مع السبع اقزام** الساحرة غضبت كتير ومن غضبها ضربت القدح بالمري وكسرتها ،، قررت انو هي تتخلص بنفسها من هالبلوة منشان هيك اخدت تفاحة نصفها اخضر والنصف التاني احمر وسممت النصف الاحمر ،حولت نفسها لمرة ختيارة واجت عالجبل ،دقت الباب وصاحت **عندي تفاح ولا اطيب من هيك ما بدكي تشتري كم كيلو** باربرة ردت عليها*اعذريني بس رفاقي منعوني اشتري شي من الغرب**السحارة قالتلها**طيب متل ما تريدين ولانك حلوة كتير خدي هالتفاحة ورفاقي مالازم يعرفوا** اخدت باربرة التفاحة وودعتها للختيارة عضت بالطرف الاحمر وشوفو شو صار يا حلوين ،،شي ما منيح باربرة وقعت من طولها وماتت
اجو السبع اقزام ولمن ما طلعت باربرة لقدام منهن عرفو صار شي تعيس ركضو عالبيت وشافوها متشطحة بالارض التفاحة لجنب منها وهي ما فيها لا حس ولا نبض،،حزنو كتير وبكيو كتير ،،عملولها تابوت من قزيز وحطوها براس الجبل وكل مسى عم يحرسها واحد منهن ،في يوم من هالايام فات امير على فرسو وشاف التابوت ،لمن اتطلع داخلو شاف وج متل القمر ودخلت بقلبو على طول فتح وج التابوت وبوسها لباربرة ويا لعجب الله شوفو انتن فتحت عيونها واتطلعت بوج الامير وابتسمتلو ،اخدها الامير على فرسو لقصرو واتزوجها وعملو عرس دعو كل الملوك والامراء وشو تتصورون مين كان كمان معزوم ،،طبعا ابوها الملك وزوجتو السحارة ،لمن شافتها لباربرة غضبها هاج مرة تانية وانجنت بمخها ،هجمت عليها تاتخنقها ،بس الامير مسكها وقال للكل مين هي هالمرة وشو كان بدها تعمل بباربرة وهيك حكمو عليها وحرقوها وخلصو الدنية من شرها، واذا ما ماتو لساتن عايشين بحب وتفاهم وتوتة توتة خلصت هالحدوتة
وشو الي فهمناه اليوم
1* الغرور ابدا ما منيح
2* الانسان الجيد بيحبوه كل الناس
3* ما ناتمن للغربة
اعذروني اضطررت الى تلخيص القصة وتصغيرها والا لما انتهت فهي طويلة جدا
جورجيت

[georgette]

اخي الياس بالفعل قصة /شني فيتشين/ هي من اقدم قصص فالت ديزني ومن اجملهم عندي
اشكرك على قرائتك دائما وتعليقك على القصص فهذا يزيد بالفعل من همتنا ويشجعنا على الكتابة ،ادامك الله على فكرة متى ستنقلون الى اوكسبورج باذنه تعالى ليوفقكم الله ويزيدكم حيل وقوة
اختك جورجيت
-------------------
أختي جورجيت .
أعطيت الكافي والوافي من خلال قصتكي الحلوي . يعطيكي العافيي أو يسلموا إيديكي .
فعلا قصة شني فيتهن قصة حلوي أو ظريفي .
فيها كتير من الحكم والعبر .
لا تحرمينا من قصصكي الحلوي . زيدي أختي زيدي !!!
أخوكي
ألياس