الزوجة المخلصة ههه

[الياس زاديكه]

الزوجة المخلصة ههه
في بنت مدللة لأبوها كل يوم وقت النوم ياخدها على أيده ويحطها بالتخت ويغطيها وقبل مايطلع الأب من الغرفة تبلش البنت تصلي وتقول يارب أحفظلي البابا والماما وجدي وجدتي وتنام البنت .. يوم من الأيام كالمعتاد دخل البنت للتخت وبلشت تصلي وتدعي وتقول يارب أحفظلي البابا والماما وجدتي وجدي باي الأب أستغرب لما سمع البنت قالت وجدي باي سألها ليش هيك دعيتي قالت مابعرف يابا طلعت معي مو بإرادتي المهم نامت البنت والصبح فاقوا شافوا الجد مات .. بعدها بكم شهر مرة تاني دخل البنت للتخت وبلشت تدعي ربي أحفظلي البابا والماما وجدتي باي .. ماراح نطولها عليكن فاقوا الصبح شافوا الجدة ماتت الأب صار يتخوف وينتظر وقته وعم يقول لنفسه شو هاي البنت عم تتلقى تليفونات من عند الرب .. المهم بعد كم شهر مرة تاني أخد البنت للتخت وبلشت تدعي وتقول يارب أحفظلي الماما وبابا باي .. هادا الأب لما سمع هادا الدعاء قال صدق راحت مني بكرا أنا راح أموت وراح لمكتبه وماعاد يقدر ينام من الخوف والقلق عم ينتظر عزرائيل .. المهم صار صبح الأب رجع للبيت وأستغرب أشلون مامات سأل أبنته وزوجته شو في جديد الزوجة قالت ياآسفاه مات جارنا هههههههه