حياة النصرة

[الاخ زكا]

'

حياة النصرة

مشغول حبتين زيادة بحبايبى الشبان اللى الشيطان محاسسهم أن النصرة دى عقدة ملهاش حل وأن الأيام التى نعيش فيها ديه، مدورش على حد عايش حياة النصر وده ياحابيب شر و كذب – لم يأتى يوم على الأرض إلا وكان فى شباب يرفع الرأس ولم تخلو أبدا الرب من شباب بيكرم الهه وبيرفع أسم الهه وأوعوا تصدقوا كذبة ابليس أن مفيش أتقياء
أذكروا يوسف كيف فى عرين النجاسة عاش حياة القداسة وأذكروا دانيال ورفقاؤه كيف فى أيام الدمار، كيف فى أيام السبى؟ عندما سلم الرب للسبى عزه عندما سلم الرب للسبى عزه بقى هؤلاء الشباب يتزعمهم هذا الشاب التقى جعل فى قلبه ألا يتنجس
عايزك كده تحفظ 3 أو 4 عبارات هاقولهم لك وأوضح أرتباطهم بالكلام ده
تريد ان تحيا حياة النصرة؟
أحذر من فعل مشيئك وهنشوف علاقة ديه بالمن
الكلمة الثانية : أحذر من طلب مجد ذاتك وهنشوف دى وأيه علاقتها بالصخرة
الامر الثالث: أحفظ حقوق الله فى حياتك وهنشوف علاقتها بعماليق
والأمر الرابع : أعرف عظمة شفيعك اللى جالس فوق
لما الشعب طلع من أرض مصر كان الرب عايز يقولهم رسالة محددة أنتم دلوقتى شعب جديد بدأتم بداية جديدة هتعيشوا فى عالم جديد وكمان ليكم طعام جديد ماهو شوف يااما تكون تبت أو مثلت، ياتبت يامثلت ياأخذت الخلاص يا بتلعب لعبة الخلاص وفى كتير بيلعبوا لعبة الخلاص
ايه الفرق بين الأثنين؟ اللى أخذ الخلاص فعلا ده تاب توبة حقيقية والتوبة الحقيقية بسيطة قوى أن أعطى ظهره للعالم وأعطى وشه نحو الرب، خلاص خلاص صممت أنى أتبع يسوع أتبع يسوع بلا رجوع خرجت من العالم لأنى ماشفتش فيه حاجة عدلة ومرتحتش فيه ومفرحتش فيه
أنا تعبت أنا تعبت أنا عشت فى الخطية والشر لكن عمرى ما ارتاحت لا شبعت وقلت للرب كده بالظبط تقدر تشبعنى؟ تقدر تعزينى؟ تقدر تفرحنى؟ ، وكأن الرب بيقولى طب أمشى ورايا وأنا هأوريك ،أمشى ورايا تعالى ورايا – هل خرجت من العالم بعد ما أقتنعت أنه مبيشبعش؟ ولا لسه نفسك فيه
أن كنت خرجت من العالم أنت ليك طعام أخر يبقى لازم تأكل أكل مختلف أمين؟ طيب أيه بقى الأكل المختلف ده هو المن طعام يجى من فوق قال عنه الرب يسوع لليهود " اعملوا لا للطعام البائد بل للطعام الباقى للحياة الأبدية الذى يعطيكم ابن الانسان لأن هذا الله الآب ختمه الله صادق عليه وبيعطينا طعام من السماء لأشباعنا لأشباعنا ،وهذا الطعام هو شخص الرب يسوع يعنى اشبع اشبع بحياة الرب يسوع
يصبح الرب يسوع غذاء وشبع لى بحيث أنى أتامل فيه ألاقى طاقتى بتجدد ونشاطى بيقوى أنى اعيش وراء الرب وأعطى ظهرى للعالم
شوفوا ياحبايب لا تجد أروع ولا أرق ولا أجمل من منظر شخص الرب يسوع وهو بكامل طاقته وقوته لا يعمل مشيئته بل مشيئة الذى أرسله أقعد كده اتفرج عليه واستمتع بمنظره وقول له (ما أجملك وما أجودك)
يلا أخويا الحبيب الشاب يلا يا أختى نحط أيدينا فى أيدى بعض ونقول يارب يارب ساعدنى ألا أعمل مشيئتى بل مشيئة الذى أرسلنى – هل نحن مرسلين فى هذا العالم ؟ هل نحن يا أحبائى نعيش هنا لأجل مهمة أرسلنا الله إليها؟ ياأخوتى الأحباء لو مكانش فى غرض الرب أوجدنا لأجله على الارض بصراحة كده هاعاتب الرب عتاب شديد وأقوله طب سايبتى تعذبنى ليه فى الدنيا ؟ أيه اللى يخليك تسبنى فى الأرض لو مكانش فى غرض من أجلى
أه يا أحبائى لو مفيش غرض لوجودنا متنا أحسن لكن هل الله تركنا فقط لكى نشقى ونعانى فى هذه الحياة ؟ حاشا لكن تركنا كما سمعنا بالأمس (مخلوقين فى المسيح يسوع لأعمال صالحة سبق الله فأعدها لكى نسلك فيها) إذن فى خطة لما هتعيش فى الخطة دى هتشعر بالنصرة والفرح والشبع أذن الخطوة المبدئية أبدأ اتعلم ألا تعمل مشيئتك لكن أنتظر دائما مشيئة الذى أرسلك

هاتقولى انا مستعد اعمل الكلام ده بس أنا عندى صعوبة أنى مبعرفش مشيئتى من مشيئته هى دى النقطة اللى ملخبطانى أنا مبعرفش مشيئتى من مشيئته ؟
كل ما يقودك إلى اشباع ذاتك واحساسك بذاتك هى مشيئتك وكل ما يقودك الى الشبع بالرب يسوع والفرح به هو مشيئة الله ،ما يشغلك بنفسك هى مشيئتك وما يشغلك بالمسيح هى مشيئة الله
النقطة الثانية : احذر من البحث عن مجد ذاتك (خروج 17 و يوحنا 7) خروج 17 بنقرأ عن المياه اللى بتنعش وتروى وفهمنا من الأحبة أن المياه بتكلمنا عن الروح القدس الروح القدس ينعش ويروى ويجدد نشاطك ويفرحك ويخليك كده منتعش ومنطلق بس عايزك تعرف الروح القدس مجاش على الأرض يسكن فينا علشان نمجد من خلاله أنفسنا لكن الروح القدس أتى وسكن فينا لغرض واحد وحيد ذاك يمجدنى جاء لكى يمجد المسيح طب ايه اللى بيقاوم تمجيد المسيح فى حياتنا؟ هى حاجة واحدة أن كل واحد فينا عايز يمجد نفسه ، مش ضرورى تكون عايز تطلع على منبر علشان عايز تمجد نفسك مش ضرورى تكون بتحاول من خلال المعلومات الكتابية أنك تمجد ذاتك هناك مئات الطرق والجسد لا يُعدم وسيلة كل يوم لا يعدم ابدا القدرة على أن يخترع كل يوم الآف الوسائل لكى يمجد بها نفسه إبتداءأً من الطفل الصغير وحتى الشيخ الكبير الجميع يطلبون ما هو لأنفسهم لا ما ليسوع ماهر صاموئيل