حكويات افندينا الجزء التاني.

[georgette]

حكويات افندينا الجزء التاني.
حق المعالجة.
افندينا له علم كبير في الطب والعلاج، في جميع انحاء المدينة يحكى عن مهارته وقدرته .
في يوم من الايام اجى زلمة سمين وتخين وبخطوات تقيلة لعند افندينا، كانت يتنفس بصعوبة كبيرة من كترة التخنة**عزيزي افندينا انا عم بتعذب تحت سمنتي وتخني، فيك الله يوفقك تكتبلي وصفة ضد هالتخنة*
فكر افندينا شوي وبلش يكتبلوا وصفة* هون تفضل يا سيدي هاي وصفتك*
الزلمة التخين اندهش وانهبط لمن قرا الشي المكتوب*بعد خمسة تعش يوم بدك تموت* اصفرت وجو ورجفو ركبو،،بعد وصولو للبيت شطح حالو عالديوان من غير حيل ولا قوة، خمسة تعش يوم عاشن بفزع وخوف ومن خوفتو ما كان ياكل الا شوية جبس طول اليوم الى ما وصل زلمتنا لنص الشي الكان عليو من تخنة،،فاتت الخمسة يعش يوم وشاف انو لسى ما مات ،ركض غضبان لعند افندينا وبلش يسبسب ويلعن فيه*افندينا،حضرتك قلت بدي موت بعد سبتين وليش دخيلك لساتي واقف على رجلي قدامك فيك تخبرني*

بلش افندينا يضحك ويضحك وهالشي زعجو للزلمة كتير بلش من عصبو يرفص ويضرب لحد ما وقع على خلفيتو،،هون بلش افندينا يحكيو بجد* ليش هالسينما الي انت عاملها اي ما من وصفتي نزلت تخنتك وبلشت تحس بحالك بس صدقني بدك تبلش تضعف اكتر لو شفت الفاتورة يلا قوم على رجليك وادفع دينك * ومن هاديك اليوم بلش الزلمة ينتبه لصحتو وصحة جيبتو،،،جورجيت،،،

[fouadzadieke]

والله وصفة ما في متلا يا جورجيت وأنا كمان لازم أروح عندو منشان هالكرش!

فؤاد