حكويات افندينا..

[georgette]

حكويات افندينا..
القبضاي
في يوم من الايام اجى رجال يسمي حالو القبضاي لعند افندينا وقالو* افندينا انت زلمة عاقل كتير وانا قوي كتير شو رائيك لو صرنا اصحاب*
افندينا سالو للقبضاي* طيب قديش هي قوتك* بلش القبضاي يتفاخر بحالو *انا فيني بيد وحدة احمل صخرة كبيرة وكبها ،بتوصل الى سور المدينة وتدخل فيها كمان*
افندينا اتطلع فيو بسخر وقالو* يا صاحبي لا تتفوه بالي ما فيك عليو ،انا بدي جربك بالاول* واخدو للقبضاي معو للضيعة. القبضاي ما عجبو سخر افندينا منو ومن شان هيك مد رقبتو لفوق ورجع * طيب يا افندينا جرب اللي بتريدو وانا قدها*
افندينا طلع مرحمة من جيبتو وقال للقبضاي*يا صاحبي شوية تواضع حلو حضرتك كتير متعجرف ،طيب انا بطلب منك انو ترمي هالمرحمة لسور المدينة*
القبضاي بلش يضحك *بدك اتشوف هلق برميها وبوصلا للمدينة*ورمى المرحمة لصوب المدينة اي بس المرحمة خفيفة كتير ووقعت على الارض... بلش افندينا يتضحك وقاللو*انا مو بس بقدر ارمي المرحمة لصوب السور لأ فيني حط كمان فيها حجرة وارميها* لمن شاف القبضاي اشلون افندينا عم بيحط الحجر بالمرحمة ويرميها وتوصل لسور المدينة استحى كتير بحالو واحمرت و?و ، نزل راسو ومشي طريقو ،هون صاح عليو افندينا وقالو* شفت يا قبضاي انت قوتك بايدك ما نفعتك وانا قوتي براسي ومن شان هيك ربحت وبهيك اكون انا الاقوى وشو بتقول انت مو هيك* اتعلم القبضاي درس منيح كتير ما راح ينساه بحياتو***جورجيت**

[fouadzadieke]

والله هادا مو درس للقبضاية و لا للأفندي بس، هادا درس يسوا عليو. يخرب بيتو قي ما عرف إدا حطّ الحجرة فالمرحمة تتسير سقيلة؟ اي لعنة الله على هيك قبضاي بلا مخ!!!

فؤاد