قصة الملك ابو دقن طويلة

[georgette]

قصة الملك ابو دقن طويلة
كان يا ماكان ،كان في اميرة مدللة ومغنجة ،كانت كتير تحب حالها وتيابها ودهباتها،كل يوم كان يتقدملها من العرسان اربعة وخمسة، اولاد ملوك وتجار، ولاد اكابر وناس، بس هي اميرتنا الحلوة المغنجة ما يعجبها احد* هاد قصير/ هاد سمين/ هاد اعور/ هاد اعرج/ هاد فقير* والى اخره
ابوها الملك بلش يضيق خلقو ،شو ما يسوي ويجيب ما بيعجبها العجب، اجها في يوم ملك تايطلب ايدها،بس اول ما شافتهو بلشت بالضحك وهي تمسك بطنها من الضحك* ولك شوفو هادا الملك هوي ودقنتو ،وبدك ياني اتزوج ملك ابو دقن طويلة،روح يابو الله يعوض*
ابوها ما عاد يعرف شو يعمل من وجع قلبو حلف لها* بكرة اول واحد يدق بابي وايطلب ايدكي ولو حتى كان شحات تتزوجيو، هاد الملك ابو دقن طويلة سمع هالشي وحب يعطيها لهل مغرورة درس تاماتنساه بحياتها كلها،شو عمل؟ راح جاب تياب شحات ولبسهن واستنى تحت الباب لما يجي الصبح منشان يطلب ايدها، والصبح اجى واجت معه بلاوي الاميرة المدللة..
دخل الشحات على القصر وقال للملك* انا اجيت تاخد بنتك على حسب وعدك وبدي هي هالق اخدا معي *بلشت تبكي وتلطم على راسها بس ابوها بقى صارم وقالو للشحات *خدها مرة الك بس اعتني فيها ولا تاذيها وعدو ابو دقن طويلة واخدها معو وما سمحلها تاخد ولا قطعة تياب او دهب معها.
مشيو ومشيو لبين ما اجريها بلشو يرجفو اي ماهي متعودي يابو، وصلو لاسطبل قالها *هالق فيك ترتاحي وصلنا على البيت* لمن شافت الاسطبل بلشت مرة تانية تبكي وتلعن حظها الي وقعها فهالبلاوي.
ابو دقن طويلة قالها* بعد ما ترتاحي شوي ،حضري شوية غدا انا جوعان كتير واعمليلنا شوية شاي ،الاميرة انهبطت *انا ،انا بدي اعملك غدا قوم فز ولك انا الاميرة انا وانت خوش شحات* بلش يتضحك وهوي عم يتطلع فيها* لا عزيزتي انت يا مدللة مغنجة ما انت الا مرة الشحات وهالق فزي وحضريلي غداتي* بلشت اتحضر اي بس شو لتحضر ما فيها لا تعمل نار ولا تجيب مي ولا ولا ولا ،ابو دقن طويلة احترق قلبو عليها وقالها* طيب تعي اتفرجي من شان تتعلمي* وهيك يا حبايبي فاتت ايامهن وهي بلشت تتعلم يوم بيوم طبخ ومسح وكنس ،والشحات يعني عم يعمل من الجبص صحون وقداح ويروح يبيعها من شان يجيب شوية مصريات،
في يوم مرض الشحات كتير وما عاد فيو يشتغل والمصريات نقصت من البيت ،قررت الاميرة انو هي تاخد الصحون والقداح منشان اتبيعهن ،حملت حملها واجت عالسوق اخدت مكانها بالقرنة وبلشت تصيح* صحون وقداح يا ناس تعالو واشترو* بقيت تقريبا اكتر من ساعتين ما في حدى يشتري،بلشت تلملم حملها منشان ترجع على بيتها ،فجاة فات عليها فارس وضرب باجر فرسو حملها وقع واتكسر ،اجت عالبيت بكيانة وحزينة وحكيت للشحات الي صار معها، اخدها بحضنو وقالها* ما عليك يا اميرتي بكرة تكون الدنيا بغير وج* حطت راسها على كتف زوجها وهي لساتها بكيانة *اي بس من وين بدنا ناخدلك الدوا انت صحتك تعبانة وانا ما في عندي ولا شي ابيعو، خليني اروح لبيي واخد منو شوية مصرييات منشان دواياتك* لتطلع فيها وسالها* انت مقهورة من جد علي* اتعجبت من شؤالو وقالتو* يا شحات انت زوجي انت ومعك اتعلمت انو الحياة ماهي اكل وشرب وجخ ودهب معك حسيت بالحب والتعاون وحسيتو انو الدنية ما تعطي الا للي بدو وتعلمت انو احبك رغم انك شحات*
فكر الشحات شوي وقاللها *روحي بكرة وجربي كمان مرة تبيعي شوية صحون*
في اليوم التالي اخدت حملها ونزلت على طريقها بعد ما اتاكدت انو الشحات لساتو نايم ،وصلت عالسوق واخدت مكانها في القرنة ،فجاة اجوها اربعة جنود من جنود الملك واخدوها عالقصر، بلشت تلعنهن وتسبسب فيهن ،لمن وقفت قدام الملك وهي لساتها عم تسبسب اندهشت كتير وقالتلو*انت الملك ابو دقن طويلة ما هيك* ابتسم لها وقالها *اي انا هو، وانت الاميرة الي ضحكت مني ما هيك* استاسفت له وقالت* الله يوفقك ساعد زوجي هو كتير مرضان وانا ما فيني اوفرلو الدوا* مدلها ايدو وقال* تعي يا اميرتي المثابرة الوفية، انت هالق صرت الاميرة الي تستاهل تقعد لجنبي على هال كرسي وهيك اخد ايد زوجتو الاميرة وقعدها على الكرسي وحطلها التاج على راسها وعملو عرس تلات ايام وتلات ليالي وعزمو كل اهل المحلة وكل الشحاتين ،واذا ما ماتو لساتن عم يعشو حياة حلوة ومتفاهمة،،وتوتة توتة خلصت الحدوتة.
والي فهمناه اليوم
1* الكبر بس لله والتواضع ثمن كبير
2* التذمر وعدم الاقتناع ما بيوصلو لشي
3* العمل المثابر بيتكافئ
4* وانو الحب بيكسر كل الحدود
جورجيت

[georgette]

--------------------------------------------------------------------------------
آحونو فيليب
لو ميدي المهم ادمعجبي اناعيمي واد مفصوحي بني
اخي الدكتور فيليب لسا ما بلشنا اين انتا، انشالله نكون ويكونو القصص موفيين الموعود
حوثخ جورجيت


شو هالقصص الشيقة؟
--------------------------------------------------------------------------------
يا جماعة شو هالقصص الشيقة؟
اولادي مابقى يناموا بلا قصة!
شكرا
فيليب