ملك الطيور

[georgette]

ملك الطيور
حبايبنا الصغار خلونا نسمع هالقصةالنعنونة ونستفيد منها
فيوم حلو ومشمس اتجمعت طيور الغابة ،حشد رائع ملون ومزهر ،متل قوس قوزح والغاريد المتشكلة والحلوة والاصوات العذبة تملى الغابة
فكرو انو يعينو ملك للطيور ،وبلشو باصواتهن العالية يصرخون ويتكلمو متلخبط حتى ما حدى بقى فيو يفهم اي شي ، فجأة صرخ الغراب وسكتو الطيور وهو قرر انو اتطير كل الطيور للسما والي يقدر يجيب معو قطعة لمعان صغيرة تيكون هي الملك ، الطيور فرحت وطارت عالي عالي بالسما ،بس واحد منهم فكر لشو بدي اتعب حالي واطير بالسما منشان هيك راح على تم المي واخد حجرة صوان بيضة صغيرة وخباها تحت جناحو ، اجى لعند الحمام وقالو /فيك تحملني معك للسما شوية لاني كتير تعبان / الحمامة اخدتو معها الى ما بلشت تتعب ، راح لعند النسر وقالو / خدي معك للسما انت كبير انت وانا كتير صغير انا/ اخدو النسر معو فترة وبعدها تركو يطير لحالو ، بس كسلانا هاد راح لعند الصقر وقالو /خدني معك شوية انت اقوى انت مني بكتير/ حملو الصقر كمان شوية ،ولمن رجعت الطيور للغابة ما كان في حدا معو قطعة لمعان الا العصفور الصغيرKolibri طالع حجر الصوان وقال انا شفت قطعة لمعان ومنشان هيك يحق لي اصير الملك
كل الطيور اتعجبت ووافقت انو ايصير الملك الا الغراب قال/ يا طيور الغابة مانكن شايفين انو هاد جايب حجر صوان صغير مجود منو فكل مكان/ الطيور غضبت كتير على عصفور الكوليبري وبلشت تركض وراه لتجازيه بس هو ركض وخبى روحو ببخش الفار وبلشو الطيور يستنو لبين ما يطلع ويعاقبوه على كذبو وخداعو ، بس اخونا هاد مافكر بالخروج وهيك حطو البوم حارس عليو بالليل منشان ما يهرب بس بومتنا البومة بعد فترة نعست والكاليبري طار ونجى بروحو
طيور الغابة غضبت على البومة وبلشت تتقاتل معها واصواتهن تعلى وتعلى ومين هلا بدو يصير الملك ،وشو العمل و و و
الغراب قال بصوتو الضخم اسمعوني يا طيور الغابة ،كل واحد فينا فيو نقطة لمعان سماوي بعيونو ومنشان هيك كلياتنا ملوك ونحن ما محتاجين لملك ، كل واحد فينا قوي على طريقتو وكل واحد فينا ملك بداخلو اذا خلونا نكون الواحد للكل والكل للواحد /
الطيور عجبتها الفكرة وبلشت تغرد وتغني اغاريد حلوة تملى الغابة بهجة ومحبة الا عصفور الكاليبري ما اتعلم الغنا معهم ولحد هالا منقطع ومنعزل لحالو وما فيو يغرد اغاريد ذبة
وتتة توتة خلصت الحدوتة
والي فهمناه اليوم
1* كذب وغش ما ينفعو وبيضرو صاحبهن
2* كل نفس فينا تحوي على كنز كبير لازم نرعاه ونكبرو
3* الايد الوحدة ما بتصفق منشان هيك لازم نتوحد بالمحبة