موفِكِلْ مرّة تِسلم الجرّة!

[fouadzadieke]

كرّةكَيْكون فآزخ واحد رجّال .. كان مسكين ألله ... تنيس ما كا لهو ?ازنات منّو.. كرةّ الوِحده خطيّه كيتمشّ قِدّا حايط البيعة .. وكِنْ رفع نظرو كيطلّع فناقوز البيعة.. بلا حمدو ظرب فويحدلخ هوّستْ كيجي منْ هاك المَيلْ..قام حسّ عرّوحو .. وقال شلّخ.. أخوي فلان ألله يخلّيك لا تظبط علي فقلبك.. واللّه ما أريتوك!

هاك رجال اللّخ كا واحد ألله يستر.. يشتري البلا بفرن? مبخوش.. ردّ كيقولّ شهاك المسكين: قي أعمي كنتْ مارتني؟ بلكي ?خوَك كو سيتا مقصود!
قالّلو يا أخوي شيش تسيا مقصود؟ قي أش كيكون بيناتنا؟ مو قلتولك أسه هيفّيه منّك ومن ألله لا تاخز فقلبك منّي .. ?نکو ما کا لی منّك لا هايه ولا ?ومان!

ردّ المشرّاني عليو كيقولّو: اي كرتلخ ?اخل تتمشّ.. طلّع قدّامك كويّي.. لا تمشي كما الم?ينين!

الرجّال الخراب هه ما لحق يكمّل كلامو.. قام المسكين ظبطو من دفّات صدرو. وهزّو كيقولّو: طلّع كوجيتو إيلا راص مخيري منّك! مالفا صارلي ساعة كترجّاك فالمليحيّة.. وأتدّخّل عليك وعلى ألله.. هويا كلّتن عندك ما سووا شي؟

مو طوّل الكلام عليك. فاموا شبعظ وإينوه ليقول شلّخ لَق. واللّخ يقول تقّ.. إلى ما انتينتن وقعوا علأرظ بلا روح.. من كسر ما سووا كيفرات وظربزا شبعظ! بقوا ?ينه مدّكه من الزمان محلّقين هونك.. وشنصن كان واحد ما اتسلّط علين.. ته بفلّتن من بعظ وميخلّي هالطوفانيّة يجيبوا فراص بعظ!

المغزى من هايه الحكّويه وشي الويحد يتيق يسْتفيد منّو هوّه.. إنّو لازم الإنسان بالو يكون طويل.. ولا يكون نفسو فراص مخيرو.. لأنّو موفِكِلْ مرّة تِسلم الجرّة!