نكت أرجو أن تعجبكم

[fouadzadieke]

مره واحد اهبل شاف امه بتولع قالها منوره ياحجه
*********************************
مرة واحد قال لأبوه بابا انا عايز ادرس بره قاله وماله قول لأمك تفرشلك فى الحوش بس خد بالك لتبرد
*********************************
واحد نايم جنب مراته فسمعت صوت، بتقوله يا قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع

*********************************
واحدة نايمة جنب جوزها سمعت صوت في الصالة قالت لجوزها قوم شوف يمكن حرامى.. قالها قومي شوفى انتى يمكن حرامية
*********************************
مرة ندل ماشى مع واحد صاحبه قاله ارهنك على كام ان اللى ماشية مع الراجل هناك دى اسمها فوزية قاله وانت عرفت ازاى قاله اصلها مراتي
*********************************
نساء العالم اتحدن وقررن ان لا يقومو باى اعمال فى المنزل وبعد اسبوع تجمعو ليعرفوا نتائج الاضراب فقالت الزوجة الفرنسية "انا قلت لجوزى ميشيل انا مش هعمل حاجة فى البيت الاسبوع دة كلة" وقالت "اول يوم ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى يا حبيبتى".وقالت الزوجة الانجليزية "انا قلت لجوزى انا مش هعمل حاجة خالص فى البيت الاسبوع دة اول يوم مشوفتش حاجة تانى يوم بدا يعمل الاكل تالت يوم عشانى وغدانى برة." جت المصرية وقالت "أنا برضو قلت لبعلي انا مش هاعمل حاجة في البيت الاسبوع دة اول يوم ماشوفتش حاجة تانى يوم ماشوفتش حاجة تالت يوم بدات اشوف شوية بعينى الشمال."
*********************************
مرة واحد مسطول رجع البيت وقعد يخبط على مراته ويقول "افتحي ياولية" فلما اتأخرت عليه راح ضرب صفيح الزبالة اللي قدام البيت برجله راحت خبطة في الحيطة ورجعت عورت رجليه، راح خبط تاني وقال "افتحي ياولية" فلما اتأخرت راح خبط الصفيحة تاني راحت رجعت وعورته في بطنة، كرر الموضوع تاني وضرب الصفيحة فطارت ووقعت على دماغة عورته فنادى على مراته قالها "افتحي ياولية الصفيحة هتموتني.."
*********************************
مرة واحدة قالت لجوزها "إهدى حبيبى كدة وأرجع زى زمان"، الراجل طلقها و رجع لأيام العذوبية
*********************************
مره حماه عايزه تشوف جوز بناتها بيحبوها ولا لا فعملت اختبار مسكت الاولانى وقاليتله تعالى نروح مشوار وهى معاه عملت نفسها اتزحلقت ورجليها اتكسرت ام الراجل اخدها وجرى بيها على الدكتور تانى يوم الصبح لاقى عربيه بيجو وعليها ورقه مكتوب فيها "من حماتك" اخدت التانى عملت نفس الموضوع بس المراتى وقعت بجد راح سايبها وجرى وماتت، تانى يوم لاقى عربيه مرسيدس اودام البيت وكتوب عليها ورقه وكتوب عليها ورقه "هديه من حماااااااااااك"
*********************************
مدرس رياضه اتجوز مدرسة رياضه خلفو ولد شبه منحرف وبنت دايره على حل شعرها
*********************************
مرة واحدة بتخون جوزها فسمعتة طالع على السلم فقالت اخبيك فين اخبيك فين راحت مخبياة ورا التلفزيون فجوزها كان جايب سمك فقالها خدى جهزى السمك ده وراح فاتح التلفزيون يتفرج على المطش الست جية تقولو ا اية دة ياراجل انتا جايبلى السمك صاحى قالها امال انا اعمل اية كل ما الاهلى يجيب جون يطلع واحد من الجمهور يبوسنى ويرجع تانى
*********************************
واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم
*********************************
مره واحد كان قاعد في الصاله مراته دخلت عليه لاقته بيقري في كتاب (الرجل سيد المنزل) فقالتله انت مش هاتبطل قراية الكتب الخياليه دي
*********************************
كان فى مرة اثنين رجالة مشين فى الشارع فشافو واحدة ماشية بتعيط علي جوزها فقام رايح واحد من الرجالة بيقول للتانى ايه رأيك بقى ان الست دى بتمسل قاله ازاى ياعم منتاش شيفها ماشية بتعيط على جوزها طب استنا وانا هوريك فراح جمبها وقل اه بس ياقمر لو تقولى انت ساكن فين وانا هنسيك كل الى شفتة فقالت اه ه ه ه ه ياحبيبى ياجوزى يلى كنت مسكنى فى المهندسين عمارة20 شقة 14
*********************************
مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض
*********************************
واحد بيقول لمراته ... انا النهاردة عايز رومانسية فى البيت ... راحت الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز
*********************************
مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى بتجيلك؟"
*********************************
عريس وعروسته في يوم الفرح وهم داخلين القاعه وماسكين ايد بعض العروسه فجأه سابت ايده وطلعت تجري قال لها "على فين؟" قالت له "بسرعه بسرعه عشان نلحق مكان."
*********************************
مرة دكتور دخل عنبر فى سراية المجانين لقى واحد بيضرب نفسة بالشبشب سأل الممرضة ماله ده ؟ قالت أصله كان بيحب واحدة ومتجوزهاش ..دخل العنبر الى بعده لقى واحد بيخبط دماغة فى الحيطة قالها وده ماله قالتله اصل ده الى اتجوزها
*********************************
مره واحد مراته ماتت فماشى فى العزا عمال يضحك فواحد بيسأله بتضحك على ايه قاله أول مره أعرف هى رايحه فين
*********************************
مرة واحد نازل من بيتة عمال بيصرخ ويزعق وبيقول ألحقوني يا عالم ألحقوني يا ناس حماتي هترمي نفسها من الشباك ألحقوني بالأسعاف ألحقوني يا عالم ففي واحد صحبة سمعة وهو جاي من على أول الشارع فقلة أية في ايه أنتا بتزعق ليه قام صحبنا قاله حماتي هترمي نفسها من الشباك قام رادد عليه صاحبه وقاله وأنتا ايه أللي مزعلك قام قاله الشباك مش عايز يفتح
*********************************
مره واحده رايحه تشتكي لأمها: يا ماما يا ماما الحقيني..؟ الام: مالك في ايه؟؟! فقالت: كل ما اعمل الاكل لجوزي ياخده ويرميه للكلب!!! الام: يا حرام والكلب ذنبه ايه بس؟؟!!!

[الياس زاديكه]

مرة واحد قال لأبوه بابا انا عايز ادرس بره قاله وماله قول لأمك تفرشلك فى الحوش بس خد بالك لتبرد
ههههه قال أتمنى تعجبكن أي صدق عجبتنا وچرقتنا من الضحك هاي النكت تشكر يالغالي على روحك المرحة بس شفت أنت أيش أبو حمار في عنده هادا الولد أي بق المسكين الولد أيش راح يطلع منه
تشكر يالغالي
تقديري ومحبتي
ألياس

[fouadzadieke]

مرة واحد قال لأبوه بابا انا عايز ادرس بره قاله وماله قول لأمك تفرشلك فى الحوش بس خد بالك لتبرد
ههههه قال أتمنى تعجبكن أي صدق عجبتنا وچرقتنا من الضحك هاي النكت تشكر يالغالي على روحك المرحة بس شفت أنت أيش أبو حمار في عنده هادا الولد أي بق المسكين الولد أيش راح يطلع منه

شكرا كبيرا أخي الياس على توقيعك الجميل و روح المرح التي تتمتع بها على الدوام. بس لا تخاف في عندنا مسلّة و خيط نتيق نخيّطك لو كنتْ چُوّال گبير

[نبيل يوسف دلالكي]

الأستاذ فؤاد المحترم
تحية طيبة
شكرا لك على هذه النكت الظريفة ظرافتك لك مني الف تحية .
نبيل

[SamiraZadieke]

مره واحد اهبل شاف امه بتولع قالها منوره ياحجه
*********************************

واحد نايم جنب مراته فسمعت صوت، بتقوله يا قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع
فعلا يضحكو هالنكت الحلوة يا أبو نبيل كتير يسلموووو ايديك ياغالي ....

[fouadzadieke]

الأستاذ فؤاد المحترم
تحية طيبة
شكرا لك على هذه النكت الظريفة ظرافتك لك مني الف تحية .
نبيل

تسلم أستاذ نبيل قد أعجبتني هذه النكت فأحببت أن تستمتعوا بها. أشكر مرورك الجميل.

[fouadzadieke]

مره واحد اهبل شاف امه بتولع قالها منوره ياحجه
*********************************

واحد نايم جنب مراته فسمعت صوت، بتقوله يا قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع
فعلا يضحكو هالنكت الحلوة يا أبو نبيل كتير يسلموووو ايديك ياغالي ....

صدقيني يا أم نبيل قرأتها فاستمتعت بها جدا و أردت أن يشاركني الأحبة هذا الشعور بالاستمتاع. سلم مرورك العذب الجميل يا حبيبتي.