المرأة تقول أنا الأجمل !!!

[الياس زاديكه]

المرأة تقول أنا الأجمل !!!
اليوم راح أحكيلكن حكويه من حكايات أبوي بالعاميه رحمه الله في حق المرأه ..
قال ياأبني من عادات النسوان انو يتفاخرن بأنفسهن كثيرا ويتكلمون دائما أيش في عندن من ذهب او مال او أثاث وأدوات زينه ويقولون جارتنا أوصديقتنا ماعندهم هادا الشي ،، ويحكون كتير ويوصفون جمالهم ياللي وهبهم إياهم الله سبحانه وتعالى يعني لحتى صار يتنافسون النسوان بين بعضهم أين هي الأجمل ،، ومن هيك صار في مسابقات على ملكات الجمال العالم ومو بس هيك صار حتى يتنافسون على ملكات جمال السمينات وعلى مسابقات ملكات جمال العجائز يعني آخر شي صار يعملون مسابقات على أقبح وأبشع وجه وليس أجمل وجه من كتر ماأحتاروا في نفسهم هادول النسوان هههههه قال : مرة كان في مجموعة من النساء جلسوا مع بعضهم وراحت كل واحدة منهم تقول انا أجمل وحده أنا بين هاي المجموعه كلياتها وتفتخر بحسنها وجمالها قامت وحديه من النسوان كانت مفتخرة بجمالها كتير وقالت : راح نعطي هذه التفاحة لهذا الولد الصغير ونقول له عط هذه التفاحة لأجمل واحدة من بيننا وسنرى لمن سيعطي لتفاحه ومن ستكون أجمل إمرأة بيننا ...
المهم وافقوا النسوان وأعطوا الولد التفاحه وكلفوه بالمهمة ... أخذ الولد التفاحة وصار يتمشى بين النسوان ويروح ويجي ويطلع فيهم وكل وحده قلبها يدق حسبت راح يعطيها التفاحه فقام الولد مسك التفاحه وأكلها وقال صدقوني مافي وحده فيكن حلوه بشان أعطيها التفاحه وهوي صار يضحك وقاموا ركضوا وراهو وهوي المسكين من الخوف طلع وراح برا وصار يهرب من هالنسوان الجميلات ههههههه...
بقى المقصود من هاي القصة الصغيرة نحن مالازم نتعجب وخصوصا في هادا الزمان إذا كل إمرأة ماشافت أجمل وأحلى من نفسها رغم بشاعتها لأنو هادا الكلام صار موضة هادا العصر النسائيه ههههههههههههه آمان ياربي آمان أكيد اليوم راح يتم شنقي بس على إيد مين راح نشوف بس يلا مابيهم أشلون ماكان راح أموت يوم من الأيام بقى قبل ماأموت حكيتو الحقيقة ياللي كان تعذبني كتير كتير بشان شوي أرتاح ماتواخدوني يانسوان لاتعجزون وإذا عجزتن كمان منتكن على حالكن لأنها الحقيقة هههههه
سؤال : عجب ليش المرأة إذا كانت بشعة وقبيحة مو تحس في حالها وتعرف بأنو بشعة وقبيحة هي لحتى تخسر هاي الكميه الهائله من المصاري على هالمكياجات ههههههه؟؟؟
تقديري ومحبتي
ألياس