فارس الحلو ردا على حسن نصر الله: إنتوا بتشكوا فينا شي؟

[kestantin Chamoun]

فارس الحلو ردا على حسن نصر الله: إنتوا بتشكوا فينا شي؟الكاتب جدار الأحد, 17 يوليو 2011 18:39

الفنان السوري فارس الحلو وعبر صفحته على فيسبوك رد على تصريحات نصر الله الأخيرة التي اعتبرت التظاهرات والاحتجاجات التي تخرج في الشارع السوري مؤامرة تستهدف المقاومة وكل ما يسوق له النظام من لحمة وطنية و ممانعة قائلا:
إنتوا.. بتشكوا فينا شي؟ بتشكوا بالشعب السوري؟ بتشكوا بفرحتنا بانتصار المقاومة؟ بتشكوا بإعجابنا بالمقاومة المتطورة؟ بتشكوا باحتضاننا ودعمنا لشعب المقاومة؟
نحنا كمان شعب ممــــانع أباً عن جد.. وبعمرنا ما قصّرنا مع المقاومة.. وإنتوا بتعرفوا هالشي.. وشبابنا وبناتنا عندهم الشجاعة والحماسة والاستعداد للانخراط بصفوف المقاومة…
وأضاف فارس الحلو في تعليق آخر: “مقاومة المزاج الشعبي ضرب من ضروب الجنون وهو خاسر حتماً”
وردا على تعليقات فارس الحلو كتب احد المدونين السوريين على الفيس بوك "يا ريت الأستاذ فارس ابن مشتى الحلو توزع شوي نخوة وإيمان على سلاف فواخرجي وزوجها “المحترم” يلي طلب من الرئيس لا بل ترجاه أنو لا يرفع قانون الطوارئ لأنو شعبنا بعد مو مستعد، يا ريت يا أستاذ توزع شوية فهم وحكمة على دريد لحام يلي بلحظة الحقيقة أسكت صوت وضمير غوار الطوشي برصاصة قاتلة، يا ريت توزع صدق وإخلاص على “النمس دائما” يلي وبكل وقاحة صرح بأنو سورية بلد الحريات وصيانة الحريات … يا ريت توزع وطنية وإنتماء على فنانين ظنينا للحظة أنهم بيمثلونا بس طلعوا بالأخير ما بيمثلوا إلا مصالحم الضيقة والأنانية، ياريت يا استاذ فارس توزع شوي كرامة وعزة للممثلين يلي اتهموا شعب طلع بصدره العاري يواجه رصاص الموت الطائفي بأنهم سلفيين ومندسين ومخربين، ياريت يا استاذ فارس تعطيهم دروس بأنو مافي غير الحرية بتولد شعب مقاوم"

وكان ناشطون سوريون على الفيس بوك أسسو صفحة كلنا فارس الحلو قالوا فيها "يتعرض الفان فارس الحلو و أقربائه إلى ضغوطات كبيرة من أجهزة الأمن و الشبيحة بسبب مواقف الوطنية المشرفة. و يحاولن بكافة الطرق من ترهيب و ترغيب أن تغير موقفه. لذللك كان لابد لنا من دعمه بكافة الوسائل."
http://www.watan.com/news/2011-07-17-18-40-37.html