المرأة هي الجوهر و ليس الغلاف. المرأة هي الحياة و أنا أقدّر المرأة كمخلوق واع و جميل و رقيق و لها أقول:
ثُوري
ثُوري ثوري يا إنسانة
عم بيصوروكي حَيوانة
إنتي الخير و إنتي الراحة
للنفس المانا مرتاحة
ثُوري و هدّي سور الظالمْ
حتّى تعيشي مِتْلِ العالمْ
لولاكي و أنتي المخلوقة
بهالقامة الحلوة الممشوقة
ما عشنا و لا كِنّا جينا
للدنيا ليش مخبّينا؟
أنتِ الزوجة و أنتِ الماما
و الأخت التضوي أيّاما
أصل الكون و كونك أحلى
بتضلّي الأسمى و الأغلى
ثُوري و قولي يا رجّالة
نِحنا حالتنا مو حالة
حقنا ضايع مينْ البايعْ
بايع حقّ المرأة صايعْ
ثُوري و لا تنامي مقهورة
أنتي العزّ و أنتي الصورة
لا تخافي إلاّ مِنْ ألله
نحنا معكي و معكي ألله.