[fouadzadieke]

قاتل الشّعب

يا (قذّافي) يا مجنونْ

عندك للتقتيلْ فنونْ

أحكامك صارتْ للشّعبْ

كوليرة و سِلّ و طاعونْ

كِلْ مِنْ عارَضْ أحكامِكْ

يا مَقتول و يا مَسجونْ

و يا هاربْ خارج لبلادْ

مهموم و قلبو مَشحونْ.

دَورك جايي, ما في شكّ

شعبكْ بهمومو مَعجونْ

فَقر و ظلمْ و قهرْ و جوعْ

و ملياراتك بالمَخزونْ.

كِلْ حاكم يِقمَعْ شعبو

و يذلّو, حاكم ملعونْ.

واجب عالحاكم يحمي

شعبو, لاكنْ عم بيخونْ

حقّ الشّعب و دستورو

و بأمرو يمشي القانونْ.

كِلْ حاكم ظالم جايي

دَورو, ما تِغفَلْ لعيونْ

مهما حاول هالظالم

يِقتِلْ مِنْ شعبو مليونْ.