وأنا أقول من وحي قصيدتك يا الياس:
يا ريتني كنتْ أنا بمطرح الشعّار
وخلّي الهوى والعشق يعطوني
ما كنِتْ بمنع عنفسي لهيب النار
ولا ببتعدْ عنها تا تحيا بظنوني
متلا إلو عندي سرير ودار
وعندي أنا تفكيري وفنوني!
يا حلوتي ردّي على المحتار
شايف إلك عم ترقص جفوني
ما في حدا تا يقطع المشوار
عيون المها عالحبّ دلّوني!
لا تزعلي ما بكشف الأسرار
راحْ اتركا بالروح مدفونة
روح الغزل هفهف عليك وطار
عاجنح علاّ وقال: خبروني!
وينا الإلا عم تغزل الأوتار
غِنوة شجن وتصيح مجنونة
عندي إلك يا حلوتي تذكار
نهدك دخيلو داب بعيوني
منّي فلتْ واتخلخل العيار
ايش العمل يا ناس فهموني؟
حلّتْ دخيلا عقدة الزنّار
يا ريتها حلّتْ عرى جنوني!
بترك عابابك رسمة البيكار
وبحلم بحبّك كيف ما تكوني!
|