كل الشكر لفادينا الغالي ولأخي أبو فرانس على هاي الميلاديات الجميلة والفيروزيات الرقيقة واسمحوا لي أن أغني معكم:
تلج عم ينزل
والفرح عم يعمل
السما قالت:
الرحمة رح توصل؟
التلج غنى للفرح
والنجمات عم تغزل
الأرض حملت ورود
وعطّرت المحفل
قامت ملوك الأرض
حملت معا محمل
حملت لبان ومرّ
حملوا معا مخمل
جانا الملك مولود
والأم عم تسأل
شو هالحلى يا رب
والبيّ ما يجهل
سرّ انعطى بالروح
من خالقو الأجمل
كان الملك مولود
والكون عم يسدل
سترو ظلام وظلم
جانا الهنا يحمل
جانا مسيح الربّ
أحوالنا يعدل
مبروك عالميلاد
والخير ما يبطل
مبروك للإنسان
حلمو بدا يعمل
يا رب يا مولود
عن رحمتك نسأل
خلّي الدنى تفرح
والناس لا تغفل
إنك عطيت النور
ضحّيت تا نوصل
مبروكة هالأيام
خلّونا نقبل
ونقبّل المولود
بالورد والمعسل.