هالكون
هالكونْ ماشي بلا وعي
حاملْ على كفّو غيابْ
هالكونْ ماضي بغفوتو
تاه الهوى وضاع الشّبابْ
هالكون لهجه معتّري
همها خطابات و خطابْ
هالكون زهرة مرمّلي
بحاجه لقطره من حبابْ
هالكون نسمه باهتي
ما بينحمل معها عذابْ
يا ناس جرّحنا النّوى
و البغض عم نفقدْ صوابْ!
يا روح هِلّي واسرحي
يمكن بخوري من سرابْ
يا عين كيف بتنظري
والطير عم يهجر هضابْ؟
يا قلب ليش بتنحني
و تغوصْ في عمق التراب؟
يا كون جرحك مهتري
و صابر على غلب الحرابْ!
يا همّ حاول ترتشي
صارتْ أسامينا " دواب "!
هالكون مارق بامتحانْ
من كلّ مخلوق الصّعابْ
هالكون مأساة الدّني
الإنسان عايش في ضباب
يقرا فصول ملبّدي
يسمع أناشيد اكتئابْ
يا ربّ وَحْدا رحمتك
تعدلْ ويحصل الانقلابْ
يا ربّ إنسانك كفرْ
ما يفتكر ساعة حسابْ!