الحِرْمان
شوفوا يا ناس الحِرْمانْ
عاملْ من جوّا قازانْ
لو بيضلّ بلا تنفيسْ
راح يفجرْ متل البركانْ!
بحجة أخلاق و إيمانْ
تتعاملْ متل الحيوانْ
البنتْ المسكينه عندنْ
مافي قيمة هالغربانْ!
تتحجّبْ لكن بتروحْ
من خلفنْ تعمل ألوانْ
في الخبوه كلّو ماشي
عند فلان و مع علاّنْ!
لمّا بتقابلْ أحمد
و لمّا بتغازلْ علوانْ
حجابا فوق الرّف محطوطْ
تكشف عن صدرا العريانْ.
هادا اللي بيصيرْ اليوم
و ما عم نكذبْ يا أخوانْ
نحنه الحريّه عنّا
بكيفو يعملْ كلّ إنسانْ
مافي قهر ولا في ظلم
و لا في قسوه و لا عصيانْ
و لا في قتلْ و لا في عنفْ
و لا في زورْ و لا بُهتانْ!
بسّ البنتْ المحرومه
عندنْ يا ويلي فنّانْ
عندا كلّ فنون العشقْ
تحبّ تجرّب عالمليانْ
تتحجّبْ ما تتحجّبْ
قصّتها كشف السّيقانْ
ببّيتا تعمل منغلقة
و منفتحة عند الشبّانْ!