غنّينا الحبّ
غنّينا الحبّ وغنّى
والقلب ال حبّ اتهنّى
يا حلوه يكفى هجران
واتضلّي تغيبي عنّا.
قلبك مو متلي حمّالْ
ما في عندك شي علبالْ
لا تنغرّي بهالموّالْ
مو دايملك هادا الحالْ.
بكرة عا غيرك رحْ دورْ
والدّنيّه ملياني طيورْ
متك الفي عندكْ عندنْ
حاجه كبرة وحاجه غرورْ.
حبّيتك لاكنْ قادرْ
عالنّار الفيني صابرْ
وبعدي يا حلوه ناطرْ
منْ كلمة تجبرْ خاطرْ.
يمكن عقلاتك تكبرْ
والنّفس شويّة تزغرْ
حتّى نعيش الحبّ جديد
ونتهنّى أكتر واكترْ.
الخسارة مو بس عندي!
عندك متل الما عندي
فكري شويّي بها العناد
ما بيفيدك تا تعندي.
** قصائد للغناء