[fouadzadieke]

يا مأجور

شعر: فؤاد زاديكه

ما في عندك شي إسمو

قانون و منطقْ دستورْ

آخِر واحد بالدنيا

ممكنْ يحكي عن دستورْ

عن قانون و شرعْ و دينْ

عن أخلاق و حقّ و نورْ

مجرم متلك يا بشّار

ابن المجرم و المقبورْ.

صاروخك أوضح دستور

و طيّاراتك عدل يدورْ

حاجة تضحك علروحك

ما عاد مخبّا و مستورْ

لو صادق من أوّل يوم

كنت مغيّر هالدستورْ

و جيت تريّح بال الشعب

من هالظلم و هالمقدورْ.

إنت القاتل و المأجورْ

و إنت السّاقط و المقهورْ

سبّاط الشّعب الثائرْ

داعس راسك يا صرصورْ.

إرحلْ إنت و دستورك

و هالشّلّة العمّال تدور

حولك من هالشبّيحة

و كِلْ مِخبِرْ وغد و مأجورْ.

دستورك قتل و تعذيبْ

و قانونك قصف و تدميرْ

دستورك متلك كزّابْ

ما بيشفي علّة مصدورْ

إسْمَعْ يا بشّار الكلبْ

مع دستورك راح تغورْ.