حَيّرنا الله معنا
احترنا و حيّرنا معنا
الله و بطَّلْ يسمعنا
ييجي الصيف، نقول الَحار
صار كتير يوَجّعنا
و لما الشتويّة بتطلّ
نبكي و نصرخ صَقّعنا.
شو هالحالة ما بافهم
ما بنعرف شو الينفعنا
و بِنضلّ العمر بحالو
نشكي و ما شي يِقنعنا.
الله سبحانو بيعرف
كل شي و شو صاير مَعنا
لو ما بيكبّر الله
عقلاتو كِنّا اوقعنا.
يا الله طَوّلْ بالك،
لا تحاسبنا و تفجعنا
شي العم نِعملْ مو معقولْ
حَيّرنا اللهْ معنا.