صوتك
صوتك..
وسط القلوب أنا بعرفه
صوتك..
مليون كمانجه بيعزفوا
صوتك..
أرق من النايات
صوتك..
غنا مالي السكات
صوتك..
مفيش أي شعر..
يقدر حبيبتي يوصفه
..
خليني أصرخ جوّا حضنك
م الحنان
و كل ما أصرخ..
زوّدي الأحضان كمان
املكيني اآسريني
اعبري بيّ الزمان
صوتك..
أرق من النايات
صوتك..
غنا مالي السكات
صوتك..
مفيش أي شعر..
يقدر حبيبتي يوصفه
..
صوتك..
حبيبتي جوّا باب يعلى الحياة
لو يتقفل..يبقى حلم العمر تاه
اندهيني..اوهبيلي
بإيديك دي
شط النجاة..!