هذوله مودموعي يجرن علخدود
هذا انت بعيني تبجيلي دمع
واذا غثك ناظري راح آنه اجيك
وراح اكض عيوني وشلعهن شلع
وراح اسويلك درج من الضلوع
حتى آني ارتاح من تسحك ضلع
وحتى انت تشوفني إبوكت الضلام
راح اجيك وفوك هاماتي شمع
وراح اصيرن سمع بذنك من تصيح
حتى من تصيح رأساً تنسمع
آنا صح انسان بس كــلبي حديد
وانت مغناطيس رأساً تنتبع
وانه من اطشر اتفرهد واضيع
وانت من تطشر بحب تنجمع
اني خايف موعلي لاكن عليك
كلبي حوته ونته يونس تنبلع
ونته كاعك خضرت بس الورود
وغير زرع ورود ماتقبل زرع
وانته موانته ملاك من الجنان
وخاف كله تجرك انته وتنخلع
وخاف كله هاي الزلم يمك تموت
لان انت كبالك الكل ينصرع
آنه سبع الليل يشهدلي الظلام
لاكن كبالك اصيرن مو سبع
وانه مو شاعر اذا ما وصفت
حسنك على الناس احلى من النبع
وانا مو انا اذا ما وصفت
سِمك احلى من العسل من ينجرع
وراح اكتبلك قصيدة قصيدة
بكل اللغات العالم ابكم تنطبع
وراح اوصفلك جمالك
الولؤه ببطن الحواري تنبلع
وراح آآخر ماأكول انا عليك
انت كلك نور وبكلبي تشع شع