أنـا معجب فيكِ من سنين
و زاد اعجابـي الين حبيت
الحب يجـي من رب العالمين
واليـوم لقيت نفسي هويت
صح اني لقيت مليون زيـن
بس والله مثل جمالك مالقيت
تعجبني كامل يحفظك مالعين
مالقيت عيب ولا فيه حسيت
حتى لو لقيت فيك شيٍ شين
ألقى نفسي تحبه و أنا مادريت
ودي أضمك و أرتوي الحنين
وأرجع أشمك أدري مااكتفيت
أنا معجب بجنون لو ماتدرين
ومن حبك أحس اني صحيت
بالعربي أحبك حتى لو ماتحبين
ومن حبك أحس اني بـديت
صدقيني مثل جنوني ما بتلقين
ولا راح تقولين ياليت وياليت
بالعكس انتي أكثر مني بتهوين
ومن لهفتي راح تقولين ارتويت
وبغير شوقي ما أظن ترضيـن
أكيد وأكيد راح تقولين اتهنيت
*****************
أعلنت حبي للناس يابعد شبدي
بس محد عرف منهي اللي أحبها
الكل يسأل عنك وأنا مين قدّي
يسألوني هي بشر و الا متخيلها
محد وقف معاي و كلهم ضدّي
مقهورين و يسألوني ليه تعشقها
وبعضهم يقولون عايش لوحدي
وما عاد أبي حبيبتي ولا أعشقها
مايدرون اني ميت فيكي يابعدي
وان صوتك ألحان أعشق طربها
ودي أسألك ياليتك بس تردّي
ليه عيونك أنا كل ليله أسهربها
ليه لو تبي تروحي أقول ماودّي
ليه شفايفك كل شوي أشربها
ليه الوقت معاكي بسرعه يعدّي
أبي أعرف ليه لو شفتك أخربها
يالله تعالي أبيكي تقعدي بسدّي
في حاجه فشفتك ودي أجربها
****************
ياحبيبي اذا كان حبك جريمـه
شفني أقولها أنا أول المجرميـن
والله أنا حياتي بدونك أليمـه
شفني أقولهـا لك من الحيـن
لك بأعماق قلبي معزه وقيمـه
لك بحشايا جوفي حب وحنين
والله بدونك روحي سقيمـه
والله بعيونك لقيت كل زيـن
أحبك وحبك منيتي القديمـه
الله يخليك و يحفظك مالعيـن
أحبك ويشهد قلبي وصميمـه
أحبك بعيوبك ولو فيك شين
*****************
قالوا بايـن عليك أديب وشاعر
قلت والله ياليت
قالوا أجل من وين لك هالمشاعر
قلت والله مادريت
قالوا بايـن انك تستهبل أوتكابر
قلت على ايش
قالوا الظـاهر على حبيبك صابر
قلت لهم ليش
قالوا باين فعيونك ملامح السهر
قلت يعنـي وايش فيها
قالوا أشعارك تقول حبيبتك قمر
قلت وايش عليكم فيها
قالوا مانـرضى نشوفك في قهر
قلت فنفسي تبيني وأبيها
تبيني وأبيها وبشوقي أسقيهـــا
تبيني وأبيها وبعمري أفديهـــا
تبيني وأبيها وبحناني أعطيهـــا
تبيني وأبيها وعمري أهديهـــا
تبيني وأبيها مايغلى شي عليهــا
تبيني وأبيها و مالي شغل فيهــا
تبيني وأبيها و مالي غير أبيهــا
أنا قلت اني أبيها لأني ياما وياما بكيت
عشان تقول انها تبيني ياما وياما عانيت
وفالنهاية تبيني وأبيها هذا اللي حسيت
بكيت و عانيت بس في النهاية
حسيت انها تبيني و أبيها
*****************
يا أجمل الناس في قلبي وفي عيني ..
يا أحلى طيف يمر العين ويشقيها ..
لو قلت أحبك قليله ما تكفيني ..
حبي لك أكبر من الدنيا وما فيهــا ..
أنا عطيتك حياتي قبل تعطيني ..
وغيرك عطاني حياته وقلت مابيهـــا ..!
***************
وش تقول بشخص مثلي مات فيك !
حبك لحد الجنون وما أكتفى !
لو نسى عمره وروحه مانسيك ..!
دام حبك نبع صافي للوفا ..
لو تكون بآخر العالم يبيك !
دام شوفك فيه للروح الشفا !
كم تمنى في عيونه يحتويك ..!
لجل يسري في حناياه الدفا!
**************