عز الله ان القلب في حبكم صاب
ماراح للي في المحبة يذله
ان قلت ماغليك فانا االيوم كذاب
القلب لاشاف رقمك تغير محلة
لو بمدحك والله لااخلص فيك كتاب
وكل من عذلني فيك الله يعلة
لومنت غالي ما تحمل غيابك ولا شقيت نفسي
في رجاوي تلاقيك أحب فيك
الحب وعشق عتابك وحب جرحك
ولغياب تجافيك يا ليتني
حرفاً سكن في كتابك وابقي
معك هامش الوقت مغليك
***************
ريح نفسك وكف مدمعك
ولا تجاري الشك فيني والظنون
أنت بس أنت ولا أحدن معك
وين ما طالع تلاقيك العيون
أنت في قلبي وعيني مهجعك
لك عيوني فراش ولحافك جفون
أنت الأول في حياتي وموقعك
منه كل الناس عجزوا يوصلون
***************
انا وشلون أبتغلى وكل اللي معي يفداك
وأنا وشلون أناديلك ومثل الروح تسكني
وصفتك للخيال .. وفز من طوله يبي لقياك
وترى عن وصف باهر وصوفك عجز فني
حبيبي وين أدورلك شبيه بس في طرياك
وأنا ياوين ألقى لك كلام بك يجملني
أبسكت دام كل اللي بقوله فز وجاك
تصور هالكلام اشلون من حبك هرب مني
رحمت البدر بوجودك
حشا ماهوب متهني
تصدق ... لودرى هالنحل عن طعمك وعن ملفاك
ترك كل الزهور وجاك وخوفي انه (يشاركني)
تعال ... أبجمع الحسبه
وبحلف بالذي سواك
إذا موتي على يدينك أنا طالبك تمهلني ..
*********************
ودي أحطب لك ضلوعي وادفيك
وألحفك بالرمش لاصرت بردان
اسكنك في عيوني ان كان يرضيك
وتصير عيني لك وطن مثل الأوطان
واضمك لصدري ¤غلا¤ لين يرويك
عذب الحنان اللي فقدته زمان
واعطيك عمر جايك اليوم يهديك
اجمل محبه ضمة انسان لإنسان
القلب تسكن فيه وحدك ويرجيك
انك تعيش داخله وينسيك الأشجان
ياحبيبي انت الوفا والوفا فيك
يرسم ملامح ضحكتك وانت عتبان
لاتستحي واحضن يدي داخل يديك
ثم شدني وارضيك ان كنت زعلان
ابي افتخر فيك واتبختر وأناديك
وأقول
هلا بحبيبي اللي سكن بين الأوجان
ياحياتي والله لأعطيك واعطيك
عمري وعشقي فدوتك
ياأعذب انسان
انت الهوى والقلب بالحيل يغليك
انت حبي اللي رويته بدمع الأجفان
وانت حبك أشوفه يملي علي
كل هالكون وحتى لوفيه غيره أكوان
(أحبك موووووت)
******************
آه لو تعـرف قد ايش أنـا مجنونك
ومن جنونـي أخاف فيـوم تنساني
آه لو تعـرف كيف حياتي بدونك
أنا بدونـك أضيع و مـحد يلقاني
آه لو تعـرف كيف أنامغرم بعيونك
ومن لـون عيونك يزيد فيني حناني
آه لو تعـرف كيـف قلبي يصونك
وكيف أنا أخلصـلك بكل المعاني
حس بحبيبك بشويـش على هونك
راح تعرفنـي وبتقـول انك تبغاني
شفاتـي دواك وبوستهـا يشفونك
وعلى بوستـك أنا أعـزف ألحاني
حظني دفـاك و نبضاته ياخذونك
وعلى حظنـك أحلى الغرام جاني
حس بجنـوني و ابعد عنك ظنونك
فداك دنيـاي وكل لحظـة فزماني
خذ قلبي و عطني روحك وشجونك
وهات قلبك وخذ حياتي وأشجاني
غالي علي و كل الناس ما يسوونك
انت بالنسبه لي أغـلـى الأماني
أنا أروح فدوه لـخضـار عيونك
وأحمد الله على كل اللـي عطاني
*********************
ماني عارف وايش أكتب من أبيـات
من يوم شفتها وأنا مدري ايش فينـي
ماني عارف وايش اقول من كلمـات
شفتها ونسيت النوم والنـوم نسينـي
من لون عيونها ضاعت كل العبارات
من يوم شفتها ماقدرت أبعد عينـي
للحين ماني مستوعب ذيك اللحظات
الظاهر اني فيها انجنيت الله يشفينـي
يوم شفتها تبتسم في وجهي ابتسامات
حسيت الشمس أشرقت على جبيني
شفايفها وردة ! لا والله انها وردات
وخشمها سيف يجرحني و يداوينـي
فديت عيونها وفديت ذيك النظـرات
فديت خدها بروحي و أيامي و سنيني
صوتها كأنه أنغام وألحان و مقامـات
نادتني و ياويلي عليهـا يوم تنادينـي
صوتها دوا لكل الأوجاع والآهـات
وحضنها الـدافي من دفـاه يدفينـي
شفتهـا ولا شفت مثلها بين البنـات
زينه ومن زينها ضعت مدري وينـي
أحلف انها ملكة جمال كل الملكـات
وأنا والله اذا حلفت أصدق في يمينـي
ما أقدر أوصفها بالأشعار والأبيـات
لأني من يوم شفتها مدري ايش فيني
*********************
أحبـه والكـل يشهد بغـلاه
أحبـه ومنـه الله لا يحرمنـي
أعشـق فيه جمالـه يامحـلاه
و لون عيونـه اللي تذوبنـي
ياويلـي عليه لو بس ألقـاه
يروح يومه كله وهو بحظنـي
لكن الزيـن مايكمل حـلاه
حبه حلو لكنه حيل متعبنـي
يبيـني طـول الوقت وايـاه
ماأتركـه و لا يبي يتركنـي
مايبيـني أتكلم الا معــاه
وبجنون غيرته صار يعذبنـي
ولو تأخرت لحظة عن لقـاه
يزعل ويقـول ليه تكرهنـي
المشكله انه يعرف غــلاه
ويعرف انـه بحبـه مجننـي
لو زعل أضيع في دنيــاه
و أتمنـى لو الأرض تبلعنـي
ياويلي بس لو جاني جفـاه
أتعب والبعد حيل يضايقنـي
ما أقدر أتحمل لحظة فرقـاه
أتعب وأحس ضميري يأنبنـي
أحيان أقول خلاص أبنسـاه
وبروح وبقولـه لا تكلمنـي
وأقول أحسن أعيش بليـاه
ماأبي يتصل ولا يسأل عنـي
يمكن أرتاح من حبه وبلـواه
يمكن البعد عنه راح يريحنـي
ولما أروح وأتقابل معــاه
ألقى اللهفة فيني تقتلنــي
وأنسى اللي كنت أنا أبغـاه
وألقى كل أحاسيسي تكذبني
فجأه ألقى نفسي بين دفـاه
وأضم صدره لين مايحرقنـي
وأتنفس من شفاته و هـواه
وأقول له ماأبيك تبعد عنـي
وأنسى اني قلت أبي أنسـاه
وأتذكر انه بالحيل واحشني
أحسه مالكني بحبه وغـلاه
وبلون عيونه أحسه ساحرني
بروحي و حياتي أنا أفـداه
فديت حبه حتى لو متعبني
ما أقول غير بجنون أهـواه
وعن حبه اللـه لايبعدنـي