مرة واحدة راكبة عربية و ماشية بسرعة جنونية وقفها ضابط
قالها:
رخصك يا هانم أنتي تعديتي السرعة المسموح بها.
ردت بهدوء:
ممعيش رخص.
قالها:
طب رخصة العربية.
ردت بهدوء أيضاً:
دي مش عربيتي أنا سارقاها.
فوجئ الضابط بالرد
قالها:
سرقتيها من مين.
قالت له:
سارقتها من واحد جارنا بعد ما قتلته .. وعلى فكره أنا لسه قاتلاه دلوقتي وجثته معايا فى شنطة العربية.
أسرع الضابط وطلب مساعدة باللاسلكي للتعامل مع الموقف .. وفى خمس دقائق وصلت قيادات من مديرية الأمن ، وحاصروا السيارة للتفتيش بمعرفة سيادة اللواء ،
سألها:
إنتى قتلتي مين؟
ردت (باستغراب):
قتلت ؟؟؟!!! .. طبعا ما قتلتش حد.
قالها:
طب افتحي شنطة العربية.
فتحتها ملقاش أى حاجة
، قالها:
طب العربية دي بتاعت مين؟
قالت له:
بتاعتي طبعاً .
قالها:
طب فين الرخص.
فطلعتله رخص العربية والسواقة .. وهي بتسأل:
فى أيه يافندم.
قال لها:
جاتلنا إخبارية أنك قتلتي واحد وسرقتي عربيته.
ردت:
مين إللى قال كده.
قالها:
ضابط المرور إللى واقف ده.
قالتله بسرعة:
طبعاً كداب وستين كداب .. إوعى يكون كدب كمان وقال إنى كنت ماشيه بسرعة !