أغنية إلى باريس - الأخوين رحباني
باريز يا زهرة الحريي يا دهب التاريخ يا باريز
لبنان باعتلك بقلبي سلام و محبي بيقلك لبنان
رح نرجع و نتلاقى عالشعر و عالصداقة
عالحق و كرامة الإنسان
يا فرنسا شو بقلن أهلي عن وطني الجريح
عن وطني اللي متوج بالخطر و بالريح
قصتنا من أول الزمان
بيتجرح لبنان بيتهدم لبنان
بيقولوا مات و ما بيموت
و بيرجع من حجارو يعلي بيوت
و تتزين صور و صيدا و بيروت
حبيتك بالصيف - الأخوين رحباني
راجع كلمات إسطوانة نخبة من أجمل الأغاني
يا طير الوروار - الأخوين رحباني
دخلك يا طير الوروار رحلك من صوبن مشوار
و سلملي عالحبايب و خبرني بحالن شو صار
عاتلال الشمس المنسيي على ورق الدلب الأصفر
إنطرونا هنا شويي شويي و تصير الدنيي تزغر
و بكروم التين ينده تشرين يا حبيبي
ياما بسكوت الأمريي بسمع صوتك يندهلي
ليليي و خوفي ليليي يعوا شي مرا أهلي
و تتعب أسرار تحزن أسرار يا حبيبي
سكرو الشوارع - الأخوين رحباني
سكروا الشوارع عتموا الشارات
زرعوا المدافع هجروا الساحات
وينك يا حبيبي بعدك يا حبيبي
صرنا الحب الصارخ صرنا المسافات
إشتقنا للإيام السعيدي
إيام السهر عالطريق
عجقة سير و مشاوير بعيدي
و نتلاقا بالمطعم العتيق
يا هوا بيروت يا هوا الإيام
إرجعي يا بيروت ترجع الإيام
إجا الصيف التاني و القمر مكسور
قولك رح تنساني يا حبي المقهور
رجعت على بيتي ما لقيتو لبيتي
دخان و زوايا لا وردي و لا سور
عم بيروحوا متل رفوف سنونو
تحت نجوم الليل مشردين
قولك الأصحاب وين بيكونوا
وين بيكون الدمع و الحنين
القمر تحت المشمشة - الأخوين رحباني
سهرت معي و كل الأحبا اتجمعوا
و كل واحد حلوتو طلت معو
و من كتر ما سهرنا و رقصنا
داودخوا نجوم السما الزرقا و صاروا يلمعوا
الليل بدو قنطرة و القمر جايي غندرة
و طاقة الحلوة مسكرة لوين بدي روح
بالليل ماشي دروشي صوت النسايم وشوشي
و القمر تحت المشمشي صارلو سني مشلوح
روح يا محبوبي و صوب الهوا غروبي
مستني المنديل الأخضر و الشعر اللي خروبي
شو قال حكيوا و خبالوا أهل المحبي غيروا
و إتلونت غنيي عالشباك المفتوح
رايحة عالساحة يا بدر راح سياحة
نيالك يا بنت الجارة شو أفكارك مرتاحة
شو صار بدك ترحلي و أنا اللي مفتكرك إلي
لا هالغيبي مسموحة و لا هالهجر مسموح
الشاويش و القبضايات - الأخوين رحباني
طومطوطوطوم
وين بدن يروحوا الحلوين؟
وين بدن يهربوا الحلوين؟
الحلوين متل الفراش بيركضوا عالضو
و أنا بضو بضو و ماشي ناطر الحلوين
هيك الساعة شب اتوفق بواحدي
و هلق صار دور الأفندي
ضو البلديي بيلمع
و أنا برضو متلو بلمع
شرايط بتلمع و الستات بيحبوا اللي بيلمع
و المش سامع يسمع
هلق الصبايا بتصير تكرج
واحدي تعرج واحدي تغنج
و الأفندي يحبج
يمكن إجت واحدي
يا وردة الحب الصافي
تسلم إيدين اللي سقاكي
فرنساوي
مش معقول كل شي مخبط
أنا تحت الضو و غنيتلا ليش ما إلتفتت
في شي تخلبط
أنا بصروني في فنجان القهوي إنو الليلي بدا تجي الحلوي
يمكن وصلت يمكن وصلت وصلت
فرنساوي
حوار
هس. ما شفت إبن حكومي غيرك بهالإيام صوتو طالع
أنا نبضي قوي
إسكت. نحنا كمان بيطلعلنا دور. مطرب الحاجز بدو يغني
مين مطرب الحاجز؟
حضرتو أبو أسعد فياض
أيه بس حضرتو ماشالله هيأتو بيقوص
هو مطرب
يا أبو أسعد أنت عاراسنا و عينا بس لنك من الفرقة و لا إسمك عالبرنامج
هالرجال إتعذب و إجا ما بقى يسوى نكسرلو بخاطرو
و لك هيأتو جايي يقاتل
أبداً هيدي بدلة الطرب
بس هيدا تدخل بشؤون الفرقة
وين تدخل شو شايف الدبابات بالسهلي. يللا عرف عني تاأصرخلي شي أوف قبل ما نعلق إحنا وياك
و شو بدي عرف؟
قول المطرب أبو أسعد فياض بغنيي حزيني
هيهي صحتك يخزى العين و سلاح و مراجل و لشو الغنيي الحزيني
هيهي يا أخي المنطقة ما بتنطرب إلا حزين. أوف إعطونا الدوزين
صوتك مش مظبوط عالموسيقى
لا مين قال مش مظبوط
لا مش مظبوط
أوف أوف
ضلي إمرقي يا حلوة الحلوين
و طلي على هالعاشق المسكين
من كتر ما حبيت صرت خيال
و عيونك بتدبح بلا سكين
و نحنا يا شباب بيوم الإنتخاب
منطلع نواب و منزل نواب
صوت صوت وله صوت
صوت للشباب و لشيخ الشباب
و حرية الراي و هيدا أحسن راي
إنتخب على ذوقك إن كنك قبضاي
صوتلو معلوم ما في غيرو أبدا
صوتلو على صوت الناي
و إذا مش كرمالو كرمال الشباب
و قلنا ما بيصير إرهاب و تزوير
البلديي معنا شوفوا المخاتير
بتشطب منشطب
و يا طير اللي طاير طير
و إذا مش كرمالو كرمال الشباب
__________________
بشيم آبو و آبرو روحو حايو قاديشو حا دالوهو شاريرو آمين
im Namen des Vaters
und des Sohnes
und des Heiligengeistes amen
بسم الآب والأبن والروح القدس إله واحد آمين