أشكركما أستاذتي الأشوريه وأستاذتي سحر على أغانيكما الجميله وشكرا لتواصلكما ودعمكما لباب يلا أغاني
يا حلا وسكر زياده حلوتي صرتي مثل
للحسن انتي ملامح تدعي لفت الأنتباه
العسل نبعه شفاتك آه يا بخت العسل
صايب وذوق اختياره روج صاير للشفاه
فاتنه وحوريه انتي قلتها لك بالهبل
حتى وانتي يا ملاكي لابسه شيله وعباه
يا شعاع النور انتي القمر صابه خجل
من جمالك يا وجودي نورك الطاغي غشاه
القمر يكفي عشانك يا منى روحي نزل
حامل آمال بنزوله حلمه تكوني بسماه
القمر معذور جنبك مايحس انه اكتمل
وده يعانق جمالك غايته تكوني معاه
والورود اللي بخدودك ذايبه حب وغزل
تعترف لولا وجودك مالها نظره وحلاه
انتي سر الحسن كله هذي مافيها زعل
لو تغار احلى العذارى يا امل قلبي ومناه
المحال تكون مثلك ثانيه مافيه امل
وحدك الفاتنه انتي يا سعد عمري وهناه
يوم غبتي عن عيوني فيني الشوق اشتعل
صحت بأعلى صوتي وينك صارت الآه بصداه
والله حبك يا جنوني ماهو تو من الأزل
ساكن بقلبي وروحي والمحال احيا بلاه