[الياس زاديكه]

يا شمس عمري يـا دفاي وحنيني
جيتك حـروف الحب وعيونك كتاب
بلحيل احبك يــا رجاوي سـنيني
وحـبك فتح للعاطفه كــل الابواب
احسـاسي الصادق معـك يحتويني
واحساسي لغيرك مـن الحب كـذاب
****************
من قال ان الحب في لحظه يضيع
من قال ان الورد يذبل في الربيع
دام الامل باقي برغبه واقتناع
ماجفت اوراقي ولا اهتز الشراع
****************
ليه احس اني معاك
انسان ثاني واني اسعد
شخص في هذا الوجود
وان بيديني مفاتيح
الاماني كل درب امشيه
مفروش بورود
بكل ماشفتك تسمرت بمكاني
كن في عيونك
لخطواتي قيود
كلمتين وكني مضيع لساني
نظرتين وكل مافيني
يجود
******************
سطرت أحروف المحبه غـلا وأشـواق
للغالي اللي وسط القلـب ماأخـذ محلـه
ناديتك حبيبي لا تتـرك القلـب يشتـاق
هات الفـرح والبعـد مـا أقـواه خلـه
يانبض شعري يااسم داخل القلب خقـاق
أنت الحبيب اللـي قلبـي مايـوم ملـه
لوأكتب أحساسي تضيـق بـه الأوراق
أنت الشعر وريح العطـر والغـلا كلـه
*********************
اريدك مثل الـورد في الروح مزروع
والروح والاحساس والنفس بيتك
اريدك مثل الـنور في العين مطبوع
وأنظرك يوم أشتاق اشوفك
اريدك مثل الـطير له صوت مسموع
صوت يداعب مسمعي لو "حبيتك"
******************
ودي بحضنك في الهوى دون تفريــق ..!!
وأشفــي عــذابي بريح وردك وأشمــك..
وأحيــا بقــربك..دون كــل المخــاليق ..
وابعــد وكلــي شوق وارجــع واضــمك..
وأبحــر بحبك وأغرق القلب تــغريــق ..
حتى تذوووب أشواااق قلبــي بدمـــك..!!
*****************
ولا لي قلب يحضني وانا ميت بوسط تراب
ولافي عين تدمع لي ولا في شخص يحويني
أموت بغصةٍ في القلب ولا اشره سوى بعتاب
عسى يوصل لك عتابي وتشعر يا الغلا فيني
******************
لا تظن القلب ياعمري نساك..
والذي سواك مالحظه نساك..
لا تقول الوقت قساني عليك..
كل ليله تمر يكبر بي غلاك..
ياغرام عاش مع روحي شريك..
في عروقي نبض سميته هواك..
*****************
* أحبك *
لا تحسب كلمتي زلة لسان
الحب ما يحتمل شك ويقين
اللسان بساعة الشدة حصان
والخجل ما يبعده مسح الجبين
معك ينساب الحكي حب وحنان
وكل شدة باس قدامك تلين
ما بقي للصمت بصدري مكان
إيه * أحبك * قلتها والله يعين ..
****************
ارجعي لا تخليني ارحمي قلبي المسكين
ترى من بعدك اتألم اذا رحتي وتركتيني
احبك يا بعد قلبي ومالي بالهوى قلبين
غصب عني ترجيتك تعالي يابعد عيني
اسمعي بس هاالكلمه وفهميها يا عمري زين
احبك موت من قلبي وامانه لا تخليني
***************