عجزت اصبر ما تعودت فرقاك
في غيبتك ماني على الصبر قاوي
وين انت عني وش حياتي بلياك
عقبك حياتي والممات امتساوي
زولك معي دايم وطيفك وذكراك
والقلب ماله غير قربك مداوي
ما غاب طيفك عن خيالي
دايم افكر يا صاحبي فيك
ماني من الاشواق خالي
احساس قلبي صار يغليك
ربي الذي يعلم بحالي
وعروق قلبي هي تناديك
انت الذي في الروح غالي
بعت الملا واليوم بشريك
==================
مهما حصل من بعد وقصور وغياب
ترى بعمري ما نسيت الـــمـــــــوده
ذكراك بقلبي حاضره ما بعد غـــاب
وعيني فراش وظل رمشي مـــخــده
ترى الغلا ما ينتهي بين الأحــبـــاب
بالذات لا صار الغلا فوق حـــــــده
=====================
كانك تذكرني على البعد لحظات
فأنا على كثر الوله مــــا نــســـيـــتـــك
تهزني الذكرى على كل مـــا فـــــــات
إذا غبت عن عيني في قلبي لـــقـــيـتــك
ما غيرتني عنك بـعـد الـمـســـافـــــات
أنسى جميع الناس وانت مــا نــسـيـتـك
====================
غبت وبقى لك داخلي صوت يدعيك
تبقى لك الذكرى معك تتبع خـطـاك
غبت وبقت لك دمعه إنسان شاريـك
عن كل خلانه والأقــارب أبــــداك
غبت وعشقت الحلم لا زارني فيـك
لو كان يخدعني إذا قمت ما ألـقاك
====================
مدري القصايد فيك وش ممكن تكون ؟!
لا صرت صفحة بالغلا مالـــهــا طـــي
ما أبيك تسأل كيف أنا أغليك وشلون ؟!
الحب كله فيك أنا أشــوفــــه شـــــوي
يكفي أشوفك كل شي بــهــــالـــكـــون
ويكفي أشوف الكون دونك ولا شـــــي
===================
يا أجمل الناس في قلبي وفي عيني
يا أحلى طيف يمر الروح ويشفيـها
كل الخطاوي على دربك توديـنـي
حتى النواظر تودك وانت غالـيـها
لو قلت (أعزك) قليله ما تكفـيـني
محبتي لك أكبر من الدنيا وما فيها
==================
حاولت أداري حرقة الشوق فـيــــني
أسكت عن إحساسي ولا أقول مشتاق
لكن حاجة (حب) بالحيل تـحـتـويـني
وتفرض علي أصرخ بعالي الأشواق
لو كان بك شوق ولـهـفـة حـنـيـنـــي
أنا بخفوقي نار ما عـاد تــنــطـاق !!
===================
أنا بداخلي شي نـــفــسي أبــوحـــــه
مدري تصدقني أو تقول كـــــــذاب !
راعي الرسالة ترى إنـــت روحـــــه
إنت النظر له وإنت رمشه والأهداب
إنت الذي غيابك يســبب جـــروحـــه
وإنت الوحيد الذي يــفـقـده إذا غــاب
===================
ليتك تشوف اللي بقـلبي وتـــقـــــراه
وتعرف مكانك داخل القلب بوضـوح
وتشوف غلاك كيف قـلـبـي تـبــنـــاه
وتعرف مدى تأثير غلاك على الروح
غلاك ملك قلبي من أقــصـاه لأدنــاه
وأقسم قسم لو تاخذ الروح مـسـموح
===================